Елизабета vs. Дијана: Накитот на Меган и Кејт крие посебна симболика, а една од нив создаде неочекуван баланс - клучна улога играа дијамантите и бисерите
Принцезата од Велс и војвотката од Сасекс внимателно го
избраа накитот што го носеа во Вестминстерската опатија во Лондон, каде што се
одржа богослужба во чест на кралицата Елизабета Втора.
И Меган Маркл и Кејт Мидлтон се појавија со парчиња накит што некогаш и припаѓаа на кралицата. Првата носеше обетки од бисер и дијамант кои Елизабета и ги подари во чест на првото јавно појавување на војвотката и принцот Хари во 2018 година.
Кејт избра брош со дијаманти и бисерни листови што кралицата и го позајми или подари во 2017 година. Елизабета Втора често им давала парчиња од својот раскошен накит на жените од кралското семејство. По нејзината смрт, тој накит има посебно значење за двете војвотки кои покажаа почит кон поранешната британска владетелка со изборот на моден додаток.
Накитот ја раскажа својата приказна, иако Меган беше критикувана за изборот на тој моден детаљ, а сето тоа поради сложениот однос меѓу неа и кралицата, иако забораваат дека војвотката секогаш ја издвојуваше Елизабета Втора во медиумските напади за палатата нагласувајќи дека не подлежи на никаков негативен збор. Сепак, оние кои ја критикуваат сопругата на принцот Хари сметаат дека таа индиректно нанела голема штета на дворот, а со тоа и на кралицата.
Ваквите критики, се разбира, не се насочени кон Кејт, која заедно со брошот на кралицата носеше обетки и нараквица што и припаѓаше на принцезата Дијана, која загина во сообраќајна несреќа во 1997 година во Париз.
Тој накит пред неколку децении го носеше принцезата од Велс, како што гласеше титулата на Дијана, а сега го носи уште една жена со оваа титула, Кејт Мидлтон.
Фото: Профимедиа
