(ФОТО) Гром ја изгоре куќата на македонски полицаец со четири деца

Добивај вести на Viber

Македонскиот полициски синдикат вечерва објави дека ќе му помогне на полицаецот Ивица Кузмановски кој има четири малолетни деца, а при тоа за време на невремето пред два дена гром му ја изгоре речиси целосно куќата.

„Денес, Директорот на Бирото за јавна безбедност, д-р Сашо Тасевски, Заменик директорот на Бирото за јавна безбедност, Арбен Јашари и Претседателот на Македонскиот полициски синдикат, д-р Марјан Кицев беа во посета на домот на Ивица Кузмановски, вработен во Министерството за внатрешни работи и Претседател на ОО при МПС каде пред два дена од удар на гром целосно изгоре внатрешниот дел од семејната куќа и целата покуќнина на семејството Кузмановски“, сопшти синдикатот.

При посетата е договорено преку заедничка акција поддржана од Министерството за внатрешни работи и Македонскиот полициски синдикат да се обезбедат нормални услови за живот на семејството Кузмановски кое има 4 малолетни деца.