(ФОТО) Сите пијат алкохол, само Трамп диетален сок
Во погледот на сликата од уметникот Енди Томас со наслов “Републикански клуб“, ужива Американскиот претседател Доналд Трамп, која има централно место на еден од ѕидовите во Белата куќа.
На делото на Томас се насликани Трамп и уште неколкумина бивши републикански претседатели: Рузвелт, Линколн и Никсон, Реган, Буш..., како пијат и весело разговараат.
Сликата е видена како виси на ѕид во Белата куќа, за време на 60-минутното видео со Трамп и истата предизвика реакции на социјалните мрежи. Сите колеги на актуелниот американски претседател пијат вино, виски или други алкохолни пијалоци, освен Трамп кој пие диетална Кока Кола.
Сликата, наводно, си го нашла својот пат до Белата куќа откако републиканскиот претставник од Калифорнија, Дарел Иса, му ја покажал на претседателот Трамп, пренесува Time. На Трамп му се допаднала толку многу што го повикал уметникот Томас за лично да му го каже тоа. Томас, инаку, има насликано слична слика со наслов „Демократскиот клуб“.
