(ФОТО) Третман кој боли додека го гледате: Ева Мендез откри како се подмладува
Американската актерка и модел Ева Мендез (46) објави нова фотографија на Инстаграм и покажа како ја одржува младоста на своето лице. Таа беше подложена на неоперативен зафат, кој изгледа страшно и многу болно на фотографијата.
Инаку, таа одбива да оди под нож, се грижи за својот изглед на други начини, а користи и многу природни состојки, па токму затоа нејзината фотографија на Инстаграм беше изненадување.
Таа претходно откри дека веќе некое време посетува спа-оаза, каде ужива во третмани за убавина. Тоа е метод на мезонит, неоперативен лифтинг на лицето. Тоа е метод кој користи специјално дизајнирани разградливи влакна за подигнување, подмладување и затегнување на кожата.
Влакната се воведуваат под кожата со игла, каде што се создава мрежа на конци на кои организмот создава нов колаген, и тие се распаѓаат целосно за приближно шест месеци.
Ева сега ја затегна кожата на вратот, и се фотографираше за време на третманот.
- Ова ми е омилено место за убавина каде што ги правам сите третмани. Ова е место каде можете да се опуштите далеку од дома, додека козметичарите ве мачат со третмани. Моето среќно место. Пробав третман со мезонит. Бог нека ми помогне. Ќе ве известам за резултатите - напиша актерката.
