Фризерите во време на КОВИД-19: Неопходни ли се?
Шпанската влада предизвика гнев помеѓу фризерите откако одлучи фризерниците да останат отворени за време на националниот карантин. Од викендов Шпанија е во вонредна состојба, нарачувајки затворање на ненужните продавници, како и на баровите, рестораните, кафулињата, фудбалските терени и кината. На нацијата со 47 милиони жители и е наредено да остане дома, а излегување е дозволено само за одење на работа, до здравствените центри или во банките.
Но, зошто фризерниците останаа отворени?
Извори од шпанската влада велат – од хигиенски причини. И за да се гарантира услуга на луѓе со посебни потреби на кои можеби им е потребна помош за миење на косата. Но, шпанските фризери тоа не го сметаат за предност. Заедницата на фризерите на Кордоба придвижи петиција против изложеноста на нивниот сектор и за помалку од ден собра 70 илјади потписи.
