Галела животни, но поради еден убод се бори со повеќе дијагнози: Ова е пораката на виолинистката Јана

Младата виолинистка Јана има апел до сите

Штом зачекорила во светот на возрасните, младата виолинистка немала поим дека нејзиниот живот целосно ќе се промени за само 24 часа поради крлеж. Јана Митиќ моментално се лекува во Полска од Лајмска болест, која ѝ ја пренел заразен крлеж.

Јана со оваа болест за прв пат се сретнала во 2018-та година, а претпоставува дека крлеж ја каснал за рака додека си играла со животни во природа. Таа посочува дека ќе беше многу полесно да ѝ пренесе само Лајмска болест, но ситуацијата е сосема поинаква - таа се среќава и со Бартонела, Бабезија и Анаплазма, кои се познати коинфекции на Лајмската болест.

- Причината за моето сега тригодишно лекување од Лајмска болест и коинфекции е тоа што последниот крлеж во 2018-та година ми даде повеќе инфекции што ги имаше во него, беше на мене скоро 24 часа, си играв со некои животни во природата тогаш, па верувам дека тој скокнал од нив - истакна Јана Митиќ.

Нејзиното лекување се одвива во Полска, поради СОТ терапии кои се вршат на тамошната клиника.

Една СОТ терапија е 2000 евра

- По одредени силни СОТ терапии и специфични комбинации на лекови во Полска веќе во 2023-та година, бев многу подобро, можев да одам и почувствував како ми се враќа силата, да одам, да пливам, но бартонелата остана и ми предизвикува епилептични проблеми како како и воспаление во нервите, особено во главата (многу црвени очи, печење во очите, често чувство дека кожата ми гори, на моменти силен замор итн.) коинфекции. Впрочем, лекувањето на овој тип на болест треба и мора да биде континуирано - додава Јана.

Младата виолинистка има и важна порака за сите. Таа ги повикува сите каснати од крлеж да земат антибиотик и да одат на лекар.

Што е Лајмска болест?

Да потсетиме дека Лајмската болест е болест која се пренесува со каснување од крлеж. Заразениот крлеж е носител на Лајмска болест, а предизвикувачкиот агенс е бактеријата „Borrelia Burgdorferi“. Лајмската болест е системска болест, што значи дека е загрозен целиот организам, особено кожата, нервниот систем, зглобовите и срцето.

Извор: Telegraf.rs