Како да се живее живот без каење: Едно прашање од психотерапевт ќе ве научи на најважната лекција во животот
Познатиот американски психотерапевт Ирвин Јалом, кој и денес, на 89 години, сè уште работи со клиенти и денес може да каже дека „уште учи“, а во интересен клип постави прашање кое од корен може да ни го промени животот.
- Што би можеле да направите во следната година за да започнете да живеете живот без каење?
- На терпаии понекогаш им давам на клиентите задача да исцртаат линија на лист хартија. На едната страна од линијата е раѓањето, на другата е смртта, па ги прашувам каде сте сега? Ова може да биде шокантно за луѓето, но им помага да видат дека постои „распоред“. И кога ќе погледнеме назад на нашиот живот, како се чувствуваме? Повеќето луѓе жалат за нешто. Други се преплавени со каење, за работи што ги направиле или не. Тука доаѓа моќта на психотерапијата, со поставување на вистинските прашања. Замислете ако се сретнеме за една година, што би можеле да направите во оваа година за да живеете живот без каење? – истакна Ирвин.
Ирвин Јалом е и угледен автор кој има напишано повеќе книги, меѓу кои „Третман со Шопенхауер“, „Кога Ниче плачеше“, „Гледајќи во сонцето“ и други, а многу од овие наслови може да се најдат во нашите книжарници.
Еве некои од неговите најдобри цитати:
„Секој човек треба да избере колку вистина може да поднесе.“ „Актот на целосно откривање на една личност на друга, а сепак да се биде прифатен, е главниот механизам на терапевтска помош“.
„Ако сакате да го изберете задоволството од зрелоста, подгответе се за болка“.
„Само ранет исцелител може вистински да заздрави“.
„Очајот е цената што некој ја плаќа за самосвест. Погледнете длабоко во вашиот живот и секогаш ќе најдете очај“.
„Кога луѓето воопшто не се љубопитни да се спознаат себеси, тоа е секогаш лош знак“.
„Љубовта не е само искра на страст меѓу луѓето, има разлика помеѓу заљубување и останување во љубов. Љубовта е начин на живот, „давање“, посветување, поврзаност, а не ограничено однесување кон личноста“.
„Да се грижиш за друг значи да ја познаваш и да ја доживееш таа личност што е можно поцелосно“.
„Сонувам за љубов која е повеќе од двајца луѓе кои копнеат да се поседуваат еден со друг“.
Фото: pinterest/фреепик
Извор: стилкурир
