Како парфемот да ви трае со часови: Еден трик го „заклучува“ мирисот на нашата кожа
Знаеме дека издвојуваме многу пари за само едно шише парфем и сосема е нормално дека очекуваме неговиот мирис да трае цел ден. Сепак, не е сѐ до квалитетот, туку и до нас. Ако сакате вашата кожа да биде миризлива цел ден, следете ги овие совети од експерт за парфеми
Игор Јеремиќ, психолог и автор на блогот за парфеми „Scentertainer“, вели дека има многу непишани правила за правилно нанесување на парфемот за да трае што подолго и да се чувствувате подобро.
- Некои велат дека треба да се испрска во воздух, па да се помине низ облак парфем. Други препорачуваат да се нанесува на пулсните точки на телото, бидејќи тука е најголемата циркулација на крвта и топлината на телото: зглобот на раката, слепоочниците, зад ушите, глуждовите, свиокот на лактот или вратот и градите. Но, работата е во тоа што секаде ни е топло, па можеш да ставиш парфем каде сакаш.
Трик со вазелин
Влажната и хидрирана кожа најдобро ги задржува мирисите, па туширањето, кремите, лосионите и вазелинот се одлични помагачи.
- За вашиот парфем да трае подолго, нанесете многу тенок слој вазелин на делот од кожата каде што планирате да го испрскате. Хидрираната и мрсна кожа подолго ги врзува мирисните масла, а овој мал трик треба да помогне. Ако имате сува кожа, прво нанесете хидратантна крема или лосион без мирис (или истуширајте се), потоа парфем, бидејќи на сува кожа побрзо испарува. После тоа, никогаш не го тријте тој дел од кожата бидејќи горните ноти на парфемот побрзо ќе испарат и значително ќе го скратите времетраењето на мирисот.
Прскајте од далечина
Парфемот испрскајте го на растојание од 20 сантиметри, за да може убаво да се распрсне по кожата. И запомнете, парфемите се направени да реагираат со кожата, а не со косата или облеката. Ако одлучите да го нанесете на вашата коса или облека, подгответе се дека може да има промени во мирисот на парфемот.
(Не) тријте
Еден од најчестите митови е дека кога пробуваме парфем, никогаш не треба да ги триеме зглобовите бидејќи триењето доведува до „кинење на молекулите“ а со тоа и „оштетување“ на мирисот. Всушност, точно е дека кршењето на молекулите може да се случи само ако го оставите парфемот долго време на директна сончева светлина. Пожелно е дури и лесно триење на парфемот на зглобовите или на друг дел од телото. Ова ќе ви овозможи да го нанесете парфемот порамномерно. Единственото нешто што можеме да го направиме со поинтензивно триење на парфемот е да ја подигнеме температурата на кожата поради триење и со тоа да го забрзаме процесот на испарување на горните ноти и многу побрзо стигнуваме до средните, срдечни ноти, кои заедно со дното го сочинуваат карактерот на парфемот.
Извор: zena.blic.rs
