Кејт Мидлтон има тајни сојузници кои ѝ помагаат во борбата против ракот: Упатените откриваат како оди закрепнувањето на принцезата од Велс
Кејт Мидлтон, принцезата од Велс и понатаму е во центарот на вниманието на светските медиуми, иако шпекулациите за нејзината здравствена состојба се намалени, откако откри дека има рак. Нејзиното семејство, вклучувајќи ги и нејзините родители, брат и сестра, ѝ пружиле голема поддршка на принцезата во тој тежок период.
„Таа има многу близок круг на пријатели. Особено во Норфолк, има навистина блиски пријатели таму. Но, мислам дека вистинската поддршка и ветер зад неа се нејзините родители, нејзиниот брат Џејмс и нејзината сестра Пипа. Иако не ги гледате често заедно, дури и на фотографии, тие се многу во животот на принцезата“, изјави за Entertainment Tonight кралската аналитичарка Кејти Никол.
По потресната и шокантна објава дека на Кејт Мидлтон ѝ е дијагностициран рак, нејзиниот брат Џејмс сподели порака со поддршка за својата постара сестра.
„Со текот на годините заедно искачивме многу планини. Како семејство и ова ќе го поминеме“, напиша тој.
Никол исто така рече дека на родителите на принцезата од Велс, Керол и Мајкл, им олеснало што нејзиниот рак бил фатен во рана фаза, па затоа веруваат дека е позитивно што Кејт ќе оди на превентивна хемотерапија.
Кетрин ќе ги има најдобрите лекари во светот кои ќе ја чуваат, па затоа е во сигурни раце. Керол и Мајкл, тие отсекогаш биле неверојатно силна двојка и исто така многу реални. Она што тој ќе го направи сега е да и ја даде (Кејт) сета поддршка што и е потребна, вклучително и Вилијам и нивните внуци (Џорџ, Шарлот и Луис)“, заклучила Никол.
Во своето видео каде откри дека има рак, Кејт рече дека нејзиниот сопруг, принцот Вилијам, бил покрај неа цело време. Во својот говор, принцезата открила и дека била подложена на превентивна хемотерапија и дека нејзината болест била откриена по големата операција на абдоменот во јануари.
„Ова, се разбира, беше огромен шок и Вилијам и јас направивме се што можеме за да се справиме со ова приватно и да го обработиме за да го заштитиме нашето младо семејство. Како што можете да замислите, за ова беше потребно време. Ми требаше време да се опоравам од големата операција за да започнам понатамошно лекување. Но, што е најважно, ни требаше време да им објасниме сè на Џорџ, Шарлот и Луис на начин што им одговараше и да ги увериме дека ќе бидам добро. „Како што им кажав, добро сум и секој ден станувам се посилна и посилна со тоа што се фокусирам на работи кои ми помагаат да заздравам“, рече Кејт во својот говор.
