Лесни утрински вежби: Корисни совети за луѓето кои поголемиот дел од денот го поминуваат седејќи

Добивај вести на Viber

Знаеме дека е тешко да се најде време за утрински вежби, особено кога имаме многу напорен дневен распоред. Сепак, без разлика во кое време ќе се разбудите, лесните вежби се вистинскиот начин да го започнете денот.

Зошто треба да вежбате наутро?

Доколку одлучите да вежбате пред да одите на работа, факултет или пред некои други обврски, нема да морате да го одложувате тренингот за утре поради состанок или умор на крајот од денот. Вежбањето влијае на сите нивоа на нашата личност, така што, освен што ќе не разбуди, ќе ги фокусира нашите мисли и ќе ни го подобри расположението.

Вежбањето ослободува бета ендорфин, кој го подобрува нашето расположение и прави да се чувствуваме енергично и среќно. Денот започнат со вежбање создава предуслови за поголем деловен успех. Истражувањата покажаа дека физичките вежби значително ја зголемуваат менталната острина која трае од 4 до 10 часа по тренингот.

Сакате да изгубите тежина?

Утринскиот тренинг го забрзува метаболизмот на ист начин како појадокот. Ефектот од вежбањето трае најмалку четири часа по завршувањето на периодот на вежбање, со што се зголемува вкупната потрошувачка на калории во текот на денот. Исто така, утринското вежбање го регулира апетитот во текот на денот. Не само што ќе јадете помалку, туку и ќе направите поздрав избор на оброци.

Дополнително, доколку сакате да го намалите целулитот во најмала можна мерка, треба да изберете вежби кои ќе ја подобрат циркулацијата во вашето тело, ќе го забрзаат метаболизмот и ќе го согорат вишокот маснотии. Утринска активност која ќе ви помогне да се ослободите од целулитот е одење или пливање, а чучњевите се исто толку ефикасни во борбата против целулитот на нозете.

Вежби за подобар сон

Ако утринското вежбање ви стане приоритет, нема да ви биде тешко да станете 30-60 минути порано бидејќи редовното вежбање го подобрува квалитетот на сонот, што ќе резултира со потреба да спиете помалку од вообичаено. Ако станувањето 30-60 минути порано изгледа премногу напорно, тогаш можете да почнете да се будите 10-20 минути порано и постепено да го поместувате времето на будење.

Поздраво срце

Ако вежбате секое утро во исто време, особено ако се будите во исто време, ќе ја регулирате работата на ендокриниот систем и срцевиот ритам. Вашето тело учи дека правите нешто во исто време секој ден и почнува да се подготвува да се разбуди и да вежба неколку часа пред да ги отворите очите. Предноста на ова е што вашето тело не се збунува со менување на времето кога станувате, што го прави будењето помалку болно. Хормоните го подготвуваат вашето тело за вежбање со регулирање на крвниот притисок, отчукувањата на срцето и протокот на крв во мускулите.

Вежбите ја зголемуваат количината на кислород во белите дробови, ја подобруваат концентрацијата и ефикасноста на работата.

Вежби кои ќе ви го разбудат денот

Утринските вежби мора да бидат умерени, а според советите на стручњаците, погрешно е да се трча наутро, бидејќи на нашето срце и крвните садови им требаат најмалку 3 часа по будењето да го достигнат полн капацитет, па затоа не е добро да се преоптоварува срце со поголеми напори во тоа време.

Еве неколку вежби со кои ќе добиете одлични резултати:

·  Легнете на стомак, а потоа подигнете се потпирајќи се на подлактиците и прстите. Лактите треба да бидат поставени точно под рамената, а подлактиците да бидат паралелни и на ширина на рамената, додека нозете се заедно. Затегнете ги стомачните мускули за да го стабилизирате телото што е можно подобро. Вратот и 'рбетот мора да бидат во иста рамнина. Дишењето треба да биде рамномерно. Останете во оваа позиција 30 секунди, направете пауза од 10 секунди, а потоа направете уште две задржувања. Оваа вежба ги активира сите големи мускулни групи.

·  Легнете на грб со рацете зад главата и свиткајте ги колената. Со издишување, подигнете се и завртете го горниот дел од телото на страна, насочувајќи го лактот кон спротивното колено. Вратете се на почетната позиција со вдишување. Повторно подигнете се со насочување на другиот лакт кон спротивното колено. Оваа вежба ги обликува страничните стомачни мускули и ги зајакнува мускулите на долниот дел на грбот. Повторете 12 до 15 кревања во три сета.

·  Легнете на стомак. Нозете и рацете се испружени, дланките се свртени надолу, а стапалата се потпираат само на прстите. Со издишување, подигнете го горниот дел од телото и нозете, а во исто време свиткајте ги рацете

Фото:Freepik