Мајчиното млеко се проучува како потенцијална заштита од коронавирус

Научник од Њујорк го проучува потенцијалот на мајчиното млеко за заштита од коронавирус. Ребека Пауел, имунолог за човечко млеко, истражувач и доцент на Медицинскиот факултет „Икан“ на Синај во Њујорк, истражува, дали антителата кои се наоѓаат во мајчиното млеко можат да штитат од коронавирус.

Додека студиите веќе докажаа дека мајчиното млеко има голем број придобивки за имунитетниот систем на бебињата - помагајќи да се избегнат голем број на болести и инфекции и за време на доењето и откако ќе се исцеди - помалку е јасно дали може да помогне во заштита од коронавирус. Во обид да го испита потенцијалот на мајчиното млеко во врска со КОВИД-19, Пауел бара да добие примероци од мајчино млеко од жени кои живеат во Њујорк, или жени за кои е потврдено дека го имале вирусот. 

Our infectious disease expert, Dr. Rebecca Powell, is working on a study researching antibodies found in human milk. Dr. Powell is examining whether the antibodies lingering in human milk can protect babies — & perhaps even adults one day — from #COVID19: https://t.co/gpTOjUcM6d

— Icahn School of Medicine at Mount Sinai (@IcahnMountSinai) April 9, 2020

Пауел изјави за VICE News дека има намера да го провери секој примерок што го прима за антитела за да утврди зараза или изложеност на вирусот. Следно, таа ќе утврди колку антитела се присутни, кои класи се, колку се отпорни и, конечно, дали имаат способност да се борат против коронавирус.

Додека истражувањето на Пауел најверојатно ќе потрае додека да се заврши, д-р Шерон Донован, претседател на Меѓународното здружение за истражување на човечко млеко и лактација и Мелиса М. Ноел претседател на Катедрата за наука и исхрана на Универзитетот во Илиноис, вели за Ромпер дека постои „биолошка веродостојност“ антитела КОВИД-19 да бидат присутни во мајчиното млеко кај жени заразени со вирусот.

„Доколку жената е заразена, нејзиното тело ќе произведе антитела на КОВИД-19 и тие антитела ќе бидат пренесени во млеко, така што постои биолошка веројатност дека антителата на вирусот ќе бидат во човечко млеко“, вели Донован.

Додека научниците како Пауел работат на изучување на мајчиното млеко за антитела на коронавирус, во моментов нема конкретен доказ дека пиењето мајчино млеко може да излечи или да ги заштити возрасните од коронавирус. Сепак, тој недостаток на докази не ги спречи некои лица да купуваат мајчино млеко преку Интернет со надеж дека пиењето може да го зајакне нивниот имунолошки систем. Според извештајот на „Дејли Бист“, продавачите на млеко пријавиле зголемување на заинтересираните купувачи кои сакаат лично да консумираат мајчино млеко за да ги заштити од коронавирус.

По веста за овој тренд, некои лекари советуваат претпазливост. „Дали возрасните треба да купуваат мајчино млеко на Интернет? Не“, му рече Донован за Ромпер. „Второ, навистина нема добри докази дека возрасните луѓе кои пијат човечко млеко, генерално, ќе го подобрат имунитетот“.

Д-р Дијан Хес, медицинскиот директор на Gramercy Pediatrics во Њујорк, има слична порака во интервју за CBS News, вели дека ваквите тврдења на Интернет се хипотетички. "Нема докази дека мајчиното млеко, воопшто, може да излечи КОВИД-19.

Всушност, Донован вели за Ромпер дека возрасните кои сакаат да го зајакнат имунитетот со пиење на мајчиното млеко купено на Интернет, напротив може да бидат загрозени од тоа. Додека многу рано истражување сугерираше дека КОВИД-19 не се пренесува преку мајчиното млеко, Донован забележува дека е откриено дека други вируси поминуваат во мајчиното млеко.

„Знаеме дека други вируси како ХИВ и Цитомегаловирус и други, можат да бидат во човечко млеко, така што би можеле да се ставите во опасност да добиете други болести. Вие не знаете, дали тој човек зема фармацевтски лекови за здравје, дали пуши, дали пие, дали зема дрога. Секое од тие работи може да премине во човечко млеко“.

Додека млекото купено за бебиња од млечна банка се проверува за да се обезбеди сигурност, многу лекари, како и Управата за храна и лекови (ФДА) силно препорачуваат да не купуваат млеко на Интернет од јавни веб-страници или продавачи заради потенцијал од опасни бактерии. Уште повеќе, една студија од 2013 година од истражувачи од Националната детска болница открила дека повеќе од три четвртини од примероците од мајчиното млеко што се купиле на Интернет содржат бактерии што предизвикуваат болести, поради начин на складирање и испорака.

Дури и Пауел изјави за VICE News дека доколку се утврди дека антителата во мајчиното млеко имаат заштитно дејство против коронавирус, млекото не би се сервирало директно во чаша. Наместо тоа, антителата што се наоѓаат во млекото треба да се прочистат, а потоа да се трансфузираат.

Што се однесува до пиењето мајчино млеко за зајакнување на вашиот имунолошки систем? „Не би го препорачал тоа“, рече Хес за Си-Би-Ес. „Мислам дека може да земете витамин Ц и цинк ако сакате, но не купувајте мајчино млеко за да спречите КОВИД-19, тоа нема да ви помогне, не“.

Пауел изјави за VICE News дека имала голем интерес од мајките кои дојат, кои сакаат да го донират своето млеко за примероци.