Мајка го дои својот две и пол годишен син: Ѝ порачуваат дека е „зрела за во затвор“
- Не постои совршено родителство, затоа ниту ги судам мајките кои не дојат, ниту ги напаѓам оние што ги дојат нивните деца дури и откако ќе наполнат две години - вели Ема
Ема О'Донел (35) од Глазгов е мајка на три деца која претрпела сурови коментари на социјалните мрежи откако споделила видео на кое го дои својот две и пол годишен син.
- Луѓето мислат дека го злоставувам со тоа што го дојам на таа возраст и дека поради таквата одлука треба да завршам во затвор - вели Ема во неверување.
- Создадени сме да ги храниме и издржуваме нашите бебиња. Луѓето мислат дека бебињата треба да престанат да земаат мајчино млеко по шест месеци, иако во некои култури мајките ги дојат своите деца до ниовната седма година.
Ема потсетува дека Светската здравствена организација препорачува децата да се дојат барем до две години.
- Да се дои дете кое има две и пол години не е погрешно. Многу жени сакаат да разговараат со мене за доењето, бидејќи трпат осуда ако сакаат да ги дојат своите деца откако ќе наполнат две години. Моите видеа ги поттикнуваат да истраат и да им пружат на децата чувство на сигурност - коментира Ема.
Самата мислела дека ќе ги дои децата најмногу шест месеци, но во меѓувреме дознала за важноста на мајчиното млеко, па ја променила одлуката.
- Не им судам на жените кои сакаат да престанат да дојат, бидејќи тоа е голема обврска - додава оваа мајка на три деца.
Ена верува дека не постои такво нешто како совршено родителство и објаснува дека го прави она што мисли дека е правилно.
– Некои жени воопшто не сакаат да дојат и мислам дека тоа е во ред сè додека и мама и бебето се среќни и здрави – заклучува Ема.
Извор: ona.telegraf.rs
*„Мојот син има 5 години и уште го дојам - ќе ви кажам зошто“
