Мајка му го фрлила во канта кога имал само 2 недели и после 60 години го нашол брат му кој е ист како него: Оделе заедно на училиште, а не се ни познавале

Фото: ITV / screenshot

Човек кој бил напуштен од мајка му и оставен во канта кога имал само две недели, за прв пат го запознал својот полубрат во емисијата „Long Lost Family“. 

Пол Коноли, кој е роден во источен Лондон во 1962-ра година, ја побарал страната на неговиот татко во семејството откако го поминал своето детство во згрижување. Тој имал само повремени контакти со своите ирски роднини по мајка. Еве што се случи сега, после толку години.

Мајката на Пол, која доживеала нервен слом, „го исфрлила со ѓубрето“ кога тој имал помалку од еден месец. За среќа, соседот го слушнал неговиот плач и се јавил во социјалната служба.

Подарокот од неговите синови промени сè

Откако неговите два сина му дадоа комплет за земање примероци ДНК, Пол откри дека е половина Малтежанец - и благодарение на истражувачите од шоуто „Long Lost Family“, тој конечно го најде својот полубрат Френки Перони(62), кој учел во истото училиште како него во исто време.

Но, впечатливите сличности на браќата - вклучувајќи ја и нивната сличност еден со друг - не беа најголемото изненадување за гледачите. Наместо тоа, тие не можеа да поверуваат за возраста на Пол бидејќи многумина не веруваа дека младоликиот татко на две деца има 60 години.

„Не можам да верувам дека има 60 години. Добро остарел.“, „Нема шанси да има 60“, „Пол има 60. Тој сигурно не изгледа така. Изгледа како да е во 40-тите“ , „Изгледа неверојатно! Се надевам дека ќе добие некои одговори", беа само дел од коментарите за изгледот на Пол.

Фото: ITV / screenshot

Тој беше боксер, а сега успешен претприемач

Таткото на две деца бил аматерски боксер пред да основа свој успешен бизнис за фитнес и рехабилитација. Пол рече дека се чувствувал осамено како дете и тоа било „како физичка болка“, додавајќи:

- Сега имам одличен живот, на моите деца можев да им дадам сѐ што никогаш немав. За двата мои синови, најважно ми беше што никогаш не се чувствуваа несигурни или сами или очајот што го чувствував јас.

Во емотивните сцени, Пол, со седиште во Билерикај, Есекс, се сретна со својот полубрат за прв пат, при што беа шокирани од нивната неверојатна физичка сличност. Тие беа изненадени и од други сличности, од тоа што нивните мајки биле од Ирска и католици до посетување на исто училиште во Есекс во исто време. Тие сега живеат на само 22 километри еден од друг. 

- Се разбира, подоцна во животот се најдовме, но во исто време мислам дека треба да си благодарен за секој ден. Почнав да го барам татко ми и наместо тоа го најдов брат ми. Значи, иднината е светла како што велат.

Пол имал тешко детство во системот за згрижување

Пол имал навистина тешко детство откако бил згрижен. На осумгодишна возраст бил испратен во домот за деца „Свети Леонард“ во Хорнчерч, Есекс и кога се присетил на тој период рекол:

- Имаше многу психички маки, имаше многу физички тепања... спиев под креветот... Утеха ми беше кујнскиот нож со дрвена рачка, се држев за него како да е последното нешто во мојот живот.“ Во изводот на родените на Пол, неговите родители се наведени како Метју и Мери Коноли, кои биле ирски имигранти.

Сепак, тој се присети дека бил свесен дека изгледа поинаку од неговиот полубрат, кој му рекол: „Ти си синот на Пино“. Пино бил локален малтешки бизнисмен кој водел продавница во близина на куќата на неговата мајка. Пол отсекогаш мислел дека неговиот брат се шегува, но кога неговите два сина му подале комплет за земање примероци ДНК, тој бил шокиран кога открил дека резултатите покажале дека е половина Ирец, половина Малтежанец.

Извор: zena.blic.rs