Македонските јавни личности со поддршка за Украина, а светските ѕвезди со погрдни зборови за Путин и Русија: „Ова е варварство, остани силна Украина“

Добивај вести на Viber

Светските ѕвезди зборуваа за рускиот напад врз Украина, нагласувајќи дека на светот, а особено на Европа не му е потребна нова криза, осудувајќи ги политичките потези на Владимир Путин.

Шкотската музичарка Ени Ленкос на Инстаграм напиша:

„Лудо крвопролевање... Дробење коски и месо... Колективна траума, тага, болка, страдање, очај и мачнина за невините мажи, жени и деца? Која цена треба да ја платат обичните луѓе за ова лудило и бруталност на инвазија и војна? Или ова е само разработена измама? Една од тактиките на заплашување? Закана?

Се извинувам за ова мрачно размислување, но откако се родив, имам привилегија да живеам во мирна средина, со децении по завршувањето на Втората светска војна, вкупно 67 години. Вака или онака, не го земам ова здраво за готово и мислам дека војната е неприфатлива, тоа е одбивно варварство“, напиша Ленокс.

Најпознатиот писател на хорор приказни Стивен Кинг на Твитер проговори за нападот на Путин.

What most of us learned as kids on the playground: You don't stand by while a big kid beats up a little kid. You might take a punch or two making the big kid stop, but that's the right thing to do.

— Stephen King (@StephenKing) February 24, 2022

„Повеќето од нас како деца научија на игралиштето дека не треба да стоиме настрана додека големо дете тепа мало дете“.

Пејачката Шер го нарече Путин деспот и напиша на Твитер дека ќе биде безмилосен до воскреснувањето на СССР.

„Зошто Украина е важна за САД? Путин е деспот и ако има шанса, ќе проголта суверени земји до воскреснувањето на СССР. Ова ќе ја остави Европа мала и незаштитена. Русија, Кина и Саудиска Арабија сакаат да ја донесат САД на колена и ова е идеална можност за нив. Тие сакаат поделби, омраза и слабост“, напиша Шер.

Американската раперка Карди Би го искажа својот став за ситуацијата со Русија и Украина откако еден корисник на Твитер напиша дека би сакал да го слушне нејзиниот став.

Wish these world leaders stop tripping about power and really think about whose really getting affected (citizens) besides the whole world is in a crisis.War,sanctions,invasions should be the last thing these leaders should worry about. https://t.co/25qemEtzF9

— Cardi B (@iamcardib) February 22, 2022

„Би сакала светските лидери да престанат да се натпреваруваат за моќ и да почнат да размислуваат за тоа кој навистина ќе биде погоден од војната (граѓаните) и за светската криза. Војната, санкциите и нападите треба да бидат последното нешто за што размислуваат лидерите“, напиша Карди.

Поддршка за граѓаните во Украина испратија и многу наши познати личности, пејачи, инфлуенсери, модни дизајнери, водители ...

На Инстаграм стори, познатите кај нас изразија поддршка преку цитати, споделување на видеа од состојбата во Украина, преку фотографии од дечиња како плачаат... Погледнете во Галеријата како македонките јавни личности ги поддржаа граѓаните во Украина:

Фото насловна: 

Youtube-screenshoot-TODAY/The Tonight Show Starring Jimmy Fallon/Инстаграм - Тамара Тодевска/Милена Антовска/ Елена Стефановска/Cher

Ни кажаа дека мораме да се скриваме под земја во метрото или во скривалишта, Киев е под опсада: Бенедик Наталија специјално за Женски магазин директно од Украина