МАЛЕНКО СЕ ОГЛАСИ ПО СВАДБАТА НА ЌЕРКАТА: Лора и Филип се совршени еден за друг
По свадбата на најстарата ќерка Лора, поранешниот пливачки ас и актуелен претседател на пливачката федерација на Македонија, Александар Маленко им посака среќа и љубов на младенците.
„ На сѐ што е убаво секој човек треба да се радува. Јас сум многу среќен за мојата ќерка. Нејзиниот сопруг го познавам од многу порано, тие се прекрасна двојка и совршени се еден за друг. Господ нека им дава здравје, среќа и љубов“, ни изјави Маленко во телефонскиот разговор.
На фотогалеријата од свадбата на Лора Турунџиева која ја објавивме претходно, го нема нејзиниот татко. Во елегантно издание, со невестата и со помалата ќерка Матеа, се фотографираше нивната мајка, пејачката, водителка и писателка, Сузана Турунџиева.
Лора е единствената ќерка од бракот на Турунџиева и на Маленко. Како мала, заедно со својот татко, таа се појави во спот на песна од Турунџиева, „Кажи ми кажи“.
Маленко од четирите брака има пет деца, а Лора му е единствена ќерка. Во емисијата „Еден на еден“, Маленко изјави дека со сегашната сопруга, со која има две деца, размислува за проширување на семејството.
М.Џаровска
