МАРИЈА: Значење на името и какви се оние кои го носат

Името Марија е од еврејско потекло, а означува љубов, сакање, посакување.

Но, на различни места го толкуваат поразлично, па има повеќе значења: 

-Онаа која го љуби Бог

-Возвишена

-Онаа која е сакана

-Госпоѓа

-Газдарица

-Убава

-Милостива

Денес според православниот календар денеска се празнува Света Марија Египетска.

Таа е пустински аскет, преку чиј живот Црквата ни го искажува искреното покајание и неискажаното Божјо човекољубие кон оние кои искрено сакаат да се откажат од своите гревови. Црквата го празнува нејзиниот спомен на денот на нејзиното упокојување, 14 април (1 април ст.ст.), но дополнително се празнува и во Неделата на света Марија Египетска, односно петтата недела од Великиот пост. Марија Египетска во својот живот соединила и пројавила две крајности - бездната на гревовите и височината на побожноста и добродетелите. Во својата младост, заробена и соблазнета од порокот, седумнаесет години поминала во грев, но со силата на Божјата благодат, како заблудената овца, повторно се вратила во Црквата. На повикот од Црквата, Марија, која не внимавала на Божјите заповеди и која го помрачила во себе Божиот образ, по Божја промисла повторно благодатно се обновила. Живеела во шестиот век после Христа, и чудесно се упоколила во 522 година.