Марко Пејчиноски доби депозит за детско штедење од Охридска банка
Една од компаниите кои го поддржаа малиот херој Марко Пејчиноски кој на празникот Голема Богородица го ореплива Охридското езеро е и „Охридска банка“.
Марко денеска ја посети експозитурата на банката во Охрид, каде што го прогласија за прв член на нивниот клуб на таленти, објави „Охридска банка“ на својот Фејсбук профил.
„ Денес бевме горди домаќини на Марко Пејчиновски, момчето кое херојски го преплива Охридско Езеро! Го дочекавме со огромна радост и го прогласивме за Прв член на нашиот Клуб на таленти. ОБСГ на Марко му додели депозит за детско штедење и му посака многу здравје и успех понатаму“, пишува на фејсбук профилот на банката.
https://www.facebook.com/ohridskabankasocietegenerale/
И покрај здравствените проблеми, некроза на еден дел на коската од ногата кој му ја забавува моториката, Марко на 28 август тргна од Свети Наум во 9.20 часот, а на охридското пристаниште, по испливани околу 25 километри, стаса во 18,20.
„ Кога почнав да пливам водата беше многу студена. Но, ниту еден момент не помислив да се откажам. Додека пливав ми студеше и си мислев како да си олеснам. Си реков дека како што пливам, ќе ми станува сѐ потопло и потопло. Така и беше“, изјави Марко за Женски магазин.
