Мени за жени на 30, 40, 50 и 60 години: Најдобра исхрана за вашата возраст

Женскиот организам со годините се менува, а согласно со тоа треба да се менува и исхраната. Здравите жени до своите 30-ти години може да јадат што сакаат без последица по нивното здравје и линија. Секако, секогаш е добро да се избере здрав начин на исхрана, но фактот дека во младоста телото побрзо и подобро простува многу „гревови“. Меѓутоа, од 30-от роденден ситуацијата се менува. 

  Триесетти 
Во оваа деценија жените балансираат помеѓу работата, мало дете, пријатели, вежбање, домашни обврски. Поради исклучително забрзан и стресен живот исхраната мора да ги содржи овие состојки: железо, фолна киселина и калциум. На организмот му требаат 18 мг железо дневно како би се заштитил од слабокрвност и како имунитетот би бил јак. Ако жената во 30-тите се обидува да забремени тогаш е многу важна фолната киселина. Од неа се препорачува да се внесуваат 400 микрограми дневно. Калциумот пак е важен за одржување на силни коски. Жените од 19 до 50 години треба да внесуваат 1000 мг калциум дневно. Спомнатите состојки може да се пронајдат во житарици, мешунки, немасно месо и некои млечни производи. 

  Четириесетти 
Жената е растргната помеѓу работата, децата, родители кои стареат - на сите ни е потребна. Исто така, килограмите повеќе не се симнуваат толку лесно. Исхраната затоа задолжително мора да вклучува влакна, калциум, и намирници кои се богати со хранливи материи, но ниска калорична вредност. Метаболизмот во четириесеттите полека се забавува. Истовремено нивото на холестерол и крвен притисок може да растат така што менопаузата се ближи, а жената се изложува на поголем ризик од болести на срцето и дијабетес од тип 2. Затоа треба да се внесуваат доволно влакна (најмалку 25 грама влакна дневно) и намирници богати со калиум (целта е  4 7000 милиграми дневно). И едното и другото ги има во интегралните житарици, овошје и зеленчук. Со помош на таа храна жената се чувствува сито, а нема да претера со калории. Калциумот и понатаму е важен минерал, па дневната доза треба да остане иста - 1000 милиграми. 

 Педесетти, шеесетти 
Во овој период на својот живот жената конечно воспоставила контрола над својот живот. Само уште кога истото би го направила и со своите хормони. Во текот на овие две децении од својот живот жената задолжително мора да зема Витамин Б, антиоксиданси, калциум, витамин Д. Без разлика на тоа колку прекрасно изгледа и се чувствува, телото поминува низ големи промени благодарение на менопаузата. Како што се намалува нивото на естроген, жената е изложена на поголем ризик од болести на срцето, остеопороза и други здравствени проблеми кои доаѓаат со годините.
Калциум, минерал кој ги зајакнува коските, е поважен од било кога, така да се препорачува зголемена дневна доза на 1 500 мг во постменопаузата. Бидејќи речиси 70 посто од жените од 51 до 70 години не добиваат доволно витамин Д, важен за апсорпција на калциум, треба да се води сметка да се зема најмалку 400 IJ од тој витамин на ден. Треба да се јаде риба, јајца, пилешко, овошје - посебно банани и цитруси, овошје и различни јаткасти плодови.

Срцето треба да се заштити со витамин Б6 и Б12 (препорачано дневно внесување е 1,5 милиграми витамини Б6 и 2,4 микрограми Б12). Тие ќе бидат сојузници под контрола да се држи хомоцистинот чие зголемено ниво е поврзано со ризик од болести на коронарните артерии, удар и тромбоемолија кај луѓе кои имаат проблеми со нормалното ниво на холестерол.

Треба да се внимава и на видот и на очите. Старосната катаракта може да се спречи со храна која е богата со антиоксиданси. Симптомите на менопаузата може да се ублажат внесувајќи во организмот фитоестрогени, односно билни естрогени. Се смета дека фитоестрогените можат и да го намалат ризикот од рак на дојка.