Меркел драматично го сумира моментот: Коронавирусот драстично ни ги менува животите
„Состојбата е сериозна и мора да ја
прифатите сериозно“, порача синоќа германската канцеларка Ангела Меркел во
своето обраќање до граѓаните.
-Коронавирусот драстично ги менува нашите животи. Нашата идеја за нормален, јавен живот, за социјални интеракции, се е ставено на тест како никогаш досега. Но, уверена сум дека ќе успееме на оваа задача ако сите граѓани ја сфатат така - како задача, рече германската канцеларка.
Меркел нагласи дека голем број луѓе работат од дома, дека децата не одат на училиште и дека се случува досега непозната ситуација.
-Од германското обединување, не, од Втората Светска Војна не сме се соочиле со ваков предизвик, при што се зависи од нашата заедничка акција и солидарност – порача таа.
Се прават истражувања ширум светот, но се уште нема ни терапија,ни вакцина против коронавирусот.
-Затоа, се што можеме да сториме е да го успориме ширењето на вирусот и така да добиеме на време – рече Меркел.
Клучно е максималното ограничување на јавниот живот зашто така максимално се ограничува и ризикот за пренесување на болеста.
-Ве уверувам, за некој како мене, за кого слободата на движење е стекнато право, вакви рестрикции може да бидат оправдани само ако се апсолутна неопходност. Во демократија, за нив никогаш не би смеело да се одлучува лесно и само привремено. Но, во овој момент тие се неопходни за да се спасат животи – порача Меркел.
Канцеларката се заблагодари на медицинскиот персонал, но и на касиерите во продавниците и на сите оние кои ги полнат полиците со неопходните продукти, зашто ги работат најтешкитеработи во моментов.
Таа повика на смиреност и на акција без паника.
-Епидемијата ни покажа колку сме ранливи, колку зависиме од разумното однесување на другите, но и како можеме да се заштитиме еден со друг, делувајки заедно. Сега е време, оджувајќи оддалеченост еден од друг, да покажеме колку се грижиме еден за друг.
(Photo:thelocal)
