Најголемите заводнички од поранешна Југославија: Лепа Брена во предност

Добивај вести на Viber

Поранешна Југославија имаше многу музички и актерски ѕвезди, а многу од нив денес се паметат како секс-симболи.

Ена Беговиќ

Театарската и филмска актерка од Загреб ја започна својата кариера на 18 години во филмот „Окупација во 26 слики".

Наскоро дебитираше во ТВ филмот „Иван Горан Ковачевиќ" , а првата значајна улога и беше во филмот „Падот на Италија" во 1981-ва година. Токму овој филм и донесе на прекрасната актерка статус на култен секс симбол, а подоцна до трагичната смрт оствари и голем број театарски успеси.

Ана Сасо

Поранешна Мис на Југославија во 1982-ра година и згодната девојка од Сплит беше секс симбол на една цела генерација, а тоа главно се должи на многу провокативната реклама за сокот „Пипи“, каде што таа играше заводливо во костим за капење и скокна во морето облечена само во кошула, откривајќи ги нејзините гради.

Мира Фурлан

Убавицата од Загреб на почетокот на својата кариера работеше во Хрватскиот народен театар, но ќе биде брзо забележан нејзиниот потенцијал за телевизија и во 1980-та година, стана една од водечките југословенски актерки. Таа имаше најзабележани улоги во „Kiklop“, „U raljama života“, „Za sreću je potrebno troje“ и „Lepota proroka“.

Една од ретките актерки од овој простор, која има постигнато и значајна холивудска кариера, во серијата „Lost“ и „Babilon 5“.

Оливера Катарина

Една од најубавите и најталентирани жени во овој дел на Европа има играно во повеќе од триесет филмови и до ден денес останува единствениот изведувач од оваа област, кој одржа 72 последователни концерти во престижната сала „Олимпија" во Париз. Потоа таа беше запаметена како „единствената жена пред која застана на коленици и Салвадор Дали", бидејќи беше воодушевен од нејзината убавина и глас.

Лепа Брена

Иако на нејзините песни најмногу се забавуваа децата, не може да се негира дека Лепа Брена беше вистинска музичка икона, но, исто така, и секс-симбол на Балканот. Таа дури имаше и кукла со сопственото лице! Покрај пејачката, таа исто така постигна многу завидна кариера со нејзиниот сопруг Бобо, отворајќи бројни продукции. Таа до денес не намали со својата кариера но и со убавината и од сите претставнички на оваа листа остана скоро непромента во изгледот.

Беба Лончар

Беба Лончар,позната како српско-италијанската актерка која се појави на филм во 1960-та година, наскоро стана икона на филмското платно. Работела на неколку филмови во американска и италијанска продукција, и покрај Југославија, таа со нејзината убавина и талент ја воодушевила и Италија. Периодот на најголема слава го доживеа во текот на 1970-тите.

Милена Дравиќ

Актерката која почина во октомври лани, играше во над сто филмови. Популарноста ѝ ја донесе соработката со Љубиша Самарџиќ. Најпознатите улоги и се во филмовите „Козара“, „Љубовниот живот на Будимир Трајковиќ“, „Работа на одредено време“ , „Секула повторно се жени“ и „Зона Замфирова“. Од 1972-ра  до 1974-ра година, со нејзиниот сопруг и колега, Драган Николиќ, водеше популарна шоу програма  „Obraz uz obraz“. Поради огромниот број на награди за глума, важеше за најголемата ѕвезда во историјата на српското и југословенското платно.

Неда Арнериќ

Неверојатна актерка која ќе остане запаметена по познатата сцена од култниот филм „Ко то тамо пева“ со цитатот „И тата би сине!". По богата кариера во филмот и театарот, таа најде нова страст во уметноста како сопственик на галеријата.