Научниците ја открија тајната за долговечноста: Овие навики имаат најголемо влијание врз животниот век
Жените на
возраст од 40 години кои ги имаат овие навики би можеле да живеат во просек 21
година подолго од оние кои не ги практикуваат
Секој сака да ја знае тајната на долговечноста и никогаш не недостасуваат истражувања на оваа тема. Конечно беше спроведена најголемата американска студија која ги проучуваше навиките кои се важни за здрав начин на живот - живот без цигари, здрава исхрана, сон, управување со стресот, физичка активност, односи со други луѓе, нередовно консумирање алкохол и избегнување зависност од аналгетици за силни болки.
Жените на возраст од 40 години кои ги имаат сите осум од овие навики би можеле да живеат во просек 21 година подолго од оние кои не ги практикуваат. Освен тоа, истражувањата покажаа дека мажите на возраст од 40 години можат да живеат 24 години подолго од оние кои не ги прифатиле овие навики. Резултатите доаѓаат од истражувањето на речиси 720.000 американски воени ветерани. Тие пополнувале прашалници за нивниот начин на живот, додека на секој од нив детално им била анализирана здравствената евиденција.
-Навистина бевме изненадени од тоа колку може да се добие со усвојување на еден, два, три или сите осум фактори за начинот на живот, рече д-р Ксуан-Маи Нгуен, главен автор на студијата на Медицинскиот колеџ во Илиноис. Интересно е што дури и ако не сте ги почитувале во помладите години, усвојувањето на овие навики по 40-тата година прави голема разлика. „Колку побрзо, толку подобро, но дури и ако направите мала промена во вашите 40-ти, 50-ти или 60-ти, тоа е сепак корисно, додаде д-р Ксуан-Маи Нгуен.
Имаше 33.375 смртни случаи меѓу луѓето во студијата, што им овозможи на истражувачите да видат колку е веројатно луѓето со секоја од осумте здрави навики да очинат. Резултатите покажале дека физичката активност, животот без цигари и независноста од опиоидните дроги имаат најголемо влијание врз животниот век. Во бројки, оние кои редовно вежбаат имале 46 отсто помал ризик од смрт, непушачите 29 отсто, а 38 отсто оние кои немаат проблеми со опиоидите – зависност од моќни лекови против болки кои се препишуваат и за одредени болести.
Минимизирањето на стресот, доброто јадење, не пиењето алкохол редовно и доброто спиење се поврзани со 20 отсто помал ризик од умирање. Оние кои ги имаат овие 8 здрави навики имаат 87 отсто намалување на ризикот од рана смрт.
Фото:freepik
