Не користете омекнувач во лето: Кога се пере постелнина, ова правило е многу важно

Најдобрата опција е да спиете на природни материјали во лето.

За да спиете без потење, клучен е изборот на постелнина. Многумина, за жал, при купувањето многу повеќе внимаваат на нејзиниот изглед и цена, додека составот на материјалот им е помалку важен. Таквиот пристап е многу погрешен. Природниот материјал е императив, бидејќи една третина од животот поминуваме во кревет и на што спиеме е многу важно.

Уште поважно е во лето, кога е топло и кога повеќе се потиме. Бактериите многу брзо се размножуваат во неиспрана постелнина и се хранат со мртвата кожа која се акумулира на неа секоја вечер. Покрај тоа, потта што ја произведува телото дополнително го подобрува сето ова. Затоа особено треба да внимава на хигиената на местото каде што спијат оние кои страдаат од алергија на прашински грини, астма или егзема, како и жените во менопауза и сите кои обилно се потат навечер.

1. Материјалите кои ја апсорбираат потта, како што е памукот, се многу подобар избор од синтетичките влакна, кои дополнително го поттикнуваат потењето на телото. Во лето многу добри се и чаршафите во комбинација од памук и лен. Да, тие се малку потешки за пеглање, но барем не треба да се грижите за ноќното потење. 

2. Експертите препорачуваат постелнината да ја менувате барем еднаш неделно, а во лето тоа да се прави почесто - на секои три дена.

3. Сопствениците на домашни миленици треба почесто да ја менуваат постелнината бидејќи нивните омилени крзнени животни често спијат или седат на неа.

4. Доколку имате дете, би било добро да го убедите да се одвои од омиленото плишано мече, бидејќи полнетите играчки на креветот собираат бактерии и други микроорганизми кои треба да се отстранат во машината за перење. Ова правете го барем еднаш месечно.

5. Никогаш не перете постелнина на температура пониска од 60 степени. Кога ќе биде пониско од тоа, ќе се ослободите од прашината, но грините ќе преживеат, а потоа немате никаква корист од тоа.

6. Што се однесува до перниците, за летните месеци се препорачуваат оние кои се перат во машина. При купувањето задолжително внимавајте на тоа, а советот е врз нив да ставите две навлаки за перници, па перницата помалку да биде натопена со пот.

7. Душекот одвреме-навреме исчистете го со правосмукалка, а на крајот на летото исперете го длабоко, има фирми кои ја прават оваа услуга за станови и не се прескапи. Дотогаш редовно смукајте го и заштитата е задолжителна.

8. На сите веројатно најмногу ќе им се допадне овој совет - избегнувајте да го местите креветот веднаш штом ќе станете наутро. Имено, во текот на ноќта, додека спиеме и додека се потиме, креветот ја задржува таа влага и топлина, па наутро треба да му се даде време да се исуши и да „дише“.

Не користете омекнувач сега

Експертите за перење велат дека омекнувачот никогаш не треба да се користи во текот на летните месеци. Ја спречува ткаенината да ја впие влагата, па нашите пижами или маица, како и постелнината во која спиеме кога е топло, не можат да ја впијат потта, па ќе се разбудите помокри. Бидејќи постелнината почесто се пере во лето, најдобро е во овој период да користите прашок за чувствителни алишта.