Нема ние да ги воспитуваме внуците: Промени во семејството на Сузана и Саша Поповиќ, а еве зошто не ја викаат естрадата на слава

Добивај вести на Viber

Пејачката Сузана Јовановиќ е пресреќна што годинава го ожени синот Даниел, а тој и нејзината снаа ќе ѝ подарат внук

Сузана Јовановиќ од првиот брак го има синот Даниел, додека во заедницата со Саша Поповиќ ја доби ќерката Александра, но Саша отсекогаш го сметал наследникот на пејачката како свое дете, никогаш не го двоел од ќерката.

Популарната двојка годинава приреди голема свадба за Даниел и неговата избраничка Тијана, а гордата мајка е пресреќна што сè поминало во најдобар ред.

„Јас сум многу емотивна личност. Навистина се обидов тој ден да ги направам сите среќни и сè помина без проблеми. Следниот ден се чувствував исцрпено, енергијата ми беше потрошена. Секако, пресреќна сум. Фала му на Бога, сега чекаме да ни подарат едно внуче“, изјави за „Гранд онлајн“ Сузана, која едвај чека да стане баба.

Сепак, како што истакнува, таа и Саша нема да се мешаат во воспитувањето на внуците, туку ќе им пружат неизмерна љубов и ќе се обидат да им помогнат на синот и снаата колку што можат.

„Мислам дека и двајцата сме нормални луѓе. Ќе помогнеме колку можеме, но нема да ги воспитуваме. Велат дека обично бабите и дедовците служат за да ги сакаат своите внуци. Кога ќе дојде тој ден, верувам дека ќе се снајдеме некако", вели пејачката, која секогаш се труди да биде оптимист.

„Се трудам да бидам секогаш позитивна и весела. Сакам луѓето да уживаат во моето друштво и да се чувствуваат удобно. Верувам во Господ, отсекогаш сум се раководела од верата и тоа ме доведе до каде што сум денес. Само со таа вера, истрајност и борбеност до крај, може да се очекуваат некакви резултати“, смета Сузана.

Сезоната на слави е во тек, а познато е дека членовите на естрадата по тој повод често се собираат меѓу себе. Сепак, семејството Поповиќ овој празник секогаш го слави интимно, само во кругот на семејството.

„За нас куќната слава е нешто интимно и семејно. Празнична торта, свеќи, пченица, вино и таква семејна атмосфера. Нашите деца доаѓаат, бидејќи сега Даниел и Тијана живеат сами, а Александра е сè уште со нас, а потоа ги носат нивните пријатели.Тоа ќе биде убав семеен ручек, тие неколку часа ги поминуваме заедно во мирен тон“, откри таа.