Почина Кели Престон, сопругата на Џон Траволта: На 58 години ја изгуби битката со тешката полест
Кели
Престон, сопруга на актерот Џон Траволта, почина на 58-годишна возраст по
двегодишна битка со рак на дојка
Кели Престон, сопругата на Џон Траволта и исто
така актерка која се појави во филмот „Jerry Maquire“, после две години ја загуби битката со
ракот на дојка. Почина на 58-годишна возраст.
„Утрото на 12 јуни 2020 година, Кели Престон, обожавана
сопруга и мајка почина по двегодишната битка со ракот на дојка. Таа одлучи нејзината
борба да ја води приватно, одејќи на медицински третмани со поддршка од блиски
членови на семејството и пријателите.
Таа беше светла, убава и сакана душа која искрено
се грижеше за другите и донесе живот на сè што допре. Нејзиното семејство се
моли за разбирање на нивната потреба за приватност во овие времиња “, изјави
портпаролот на семејството за списанието„ People “.
Тажната вест ја потврди и на својот Инстаграм
профил нејзиниот сопруг Џон Траволта.
"Со тешко срце ве известувам дека мојата
прекрасна сопруга Кели ја изгуби двегодишна битка со ракот. Таа се бореше
храбро, со љубовта и поддршката што ја доби од многумина. Моето семејство и јас
ќе бидеме засекогаш благодарни на нејзините лекари и медицински сестри во
Центарот МД Андерсон за карцином, сите медицински центри кои ни помогнаа, како
и многу пријатели и сакани кои беа со неа. Kе се сеќаваме на љубовта и животот
на Кели засекогаш. Ќе поминам извесно време со децата кои ја изгубија својата
мајка, па простете ми однапред што нема да бидам достапен "Но, ве молам,
знајте дека ќе ја чувствувам вашата љубов со недели и месеци, но и после тоа.
Со сета моја, љубов, ЈТ", напиша Џон во емотивен статус.
Таа позади себе го остави сопругот Џон, и нејзините деца,
20-годишната ќерка Ела и 9-годишниот син Бенџамин, а нивниот син Џет почина на
16-годишна возраст во 2009 година.
Кели е родена во Хонолулу, Хаваи, и се школувала
на Универзитетот во Јужна Каролина. Актерката се вери со Џон во 1991 година во
Гштадд, Швајцарија, тие и се венчаа истата година.
Нејзиниот последен пост на Инстаграм беше оној во
јуни годинава, на Денот на таткото, а на 28-годишнината од бракот таа Џон, го
нарече најубавиот човек што го познава.
