Почина Маринко Колнаго основачот на „Нови фосили“: Минатата година прославија 55 години кариера

Добивај вести на Viber

„Хрватските АББА“, како што често ја нарекуваат групата Нови фосили, во ноември минатата година имаа проштален концерт во Загребската Арена.

Маринко Колнаго, еден од основачите и долгогодишен член на групата „Нови фосили“, почина на 84-годишна возраст по кратко и тешко боледување, објави хрватски Индекс.

„Драги наши, со голема тага соопштуваме дека нашиот добар дух „Фосил“, нашиот драг Маринко, не напушти. Бескрајно ќе ни недостасува“.

Колнаго ја основал групата „Нови фосили“ во 1969 година, со тапанарот Слободан Момчиловиќ.

По распадот на бендот во 1991 година, Колнаго се повлече од музичката индустрија и се занимаваше со различни работи, вклучувајќи продавање садови, правосмукалки и сладолед.

Тој се врати на музиката во 2005 година, кога составот на „Нови фосили“ повторно се обедини со Сања Долежал и Владимир Кочиш Зеца.

Во ноември минатата година „Нови фосили“ одржаа проштален концерт во „Арена Загреб“.

Извор:Euronews.rs