Посвоија девојче од Уганда мислејќи дека е злоупотребена: Кога научи англиски ја дознаа нејзината страшна приказна и веднаш ја вратија

Посвојувањето деца од земјите од третиот свет стана популарно кај богатите западни семејства во последниве години. Анџелина Џоли и Мадона го направија тоа, на пример. Сепак, колку и да звучи позитивно, секогаш има зли луѓе кои се подготвени да ги искористат тешките животни приказни и децата за своја финансиска корист.

Џесика и Адам Дејвис од САД веќе имаа четири деца, но сепак решија да посвојат уште едно дете, 6-годишно девојче од Уганда. Им било кажано дека малата Намата останала без своето семејство. Татко ѝ починал, а мајка ѝ не се грижела за неа, па никогаш не ја испратила на училиште.

Агенцијата за посвојување му соопштила на семејството Дејвис дека нејзината мајка не може да се грижи за неа и дека посвојувањето би било вистинското решение. Тие се договориле и ја посетиле во Уганда во 2015-та година, но не во нејзиниот дом туку во сиропиталиште каде што немала играчки, па дури ни соба со прозорец.

Девојката веднаш ги освоила, па решиле да ја посвојат и да ја однесат со себе во САД. Но, штом научила англиски, Намата почнала да им кажува колку ѝ недостига нејзината мајка. Сè што им кажала било сосема спротивно од она што го слушнале од агенцијата за посвојување.

Сè било апсолутна лага. Тие сфатиле дека се измамени и посвоиле дете кое живеело среќно со мајка си. Ги известиле институциите и успеале да стапат во контакт со мајката на Намата.

Она што го видоа во никој случај не беше вообичаена реакција на малтретирано дете. Напротив, Намата била пресреќна што ја видела мајка си преку видео повик. Со биолошката мајка се договориле да ја образуваат и да ја вратат кога ќе го заврши образованието.

„Единствената траума што ја доживеа ова дете беше резултат на тоа што сакавме дете и тоа го кажавме за агенцијата. Намата беше среќна дома со нејзината мајка додека не ја киднапираа и не ни ја донесоа“, вели Адам.

Организацијата „Reunite Uganda“, која се занимава токму со овие проблеми, подоцна дознала дека Намата практично била киднапирана од нејзиното семејство заедно со уште седум деца од нејзиното село и испратена во сиропиталиште за измамниците да добијат пари.

Семејството Дејвис знаело дека нејзиното посвојување е измама, па по една година ја вратиле Намата во Уганда, каде што сега живее со нејзината мајка. Иако се чинеше дека ќе остане без семејството, нејзината приказна добро заврши, а во семејството Дејвис најде добри пријатели кои веројатно ќе останат во контакт со неа до крајот на животот.