Поводот е прекрасен, а таа - блеска! Сања Кужет направи исклучок и сподели убав момент со сопругот
Водителката Сања Кужет деновиве ужива во заслужен одмор, но тоа не е единственото нешто што ја насмеа
Водителката на музичкото натпреварување „Ѕвездите на Гранд“, Сања Кужет е едно од омилените домашни ТВ лица, а успева да води успешна кариера и да ја зачува приватноста од јавноста.
Меѓутоа, Сања од време на време споделува некои детали за својот семеен живот и често се појавува на градските настани и прослави во друштво на својот сопруг, па нејзините обожаватели знаат дека води идиличен семеен живот и ужива со љубовта на својот живот.
Водителката деновиве се релаксира на хрватското приморје каде летува во Ровињ, а вчера реши да објави пријатен момент. Имено, Сања позираше со сопругот покрај прекрасното Јадранско Море и откри дека таа и нејзиниот животен придружник прославиле годишнина.
- Нашата деветка - напиша водителката, а следбениците и честитаа од се срце.
Љубовната приказна на Сања Кужет и нејзиниот сопруг Немања Живојиновиќ е многу интересна бидејќи тие се познаваат уште од раната младост.
Харизматичната водителка и маркетинг директор на автомобилска компанија се заљубиле на многу млада возраст, а потоа се разделиле, само за животот повторно да ги зближи.
- Бевме во врска на почетокот на дваесетите. Кога повторно се сретнавме десет години подоцна, ги прескокнавме воведите и предрасудите, па сè беше полесно. Доволен е еден поглед за да се разбереме, без премногу објаснување и трошење енергија на ситни работи - објаснува Кужет во едно интервју.
Двојката го има синот Страхиња, а Сања е мајка и на постарото момче Андрије, кое го доби за време на бракот со Зоран Пајпер.
