Проклетството на Витни Хјустон леди крв во вените: Ќерка ѝ почина на ист начин како неа, а за инцестот помеѓу братот и сестрата сѐ уште се зборува

Витни Хјустон денеска ќе наполнеше 60 години, но една од најголемите музички ѕвезди некогаш имала тежок живот кој нејзиното срце не можело да го поднесе.

Витни Хјустон, најнаградуваната пејачка на сите времиња, чии хитови се уште се пеат во сите земји во светот, се издигна како феникс од пепелта! Никој не можеше да го надмине нејзиниот раскошен глас, а посебната харизма со која ги маѓепсуваше луѓето се уште восхитува. Неприкосновената музичка ѕвезда зад себе остави дела кои ќе живеат вечно!

Последните месеци пред смртта изгледаше како да успеа да се извлече од канџите на порокот, а сите со нетрпение го очекуваа нејзиното враќање на сцената и новите песни на музичката дива! Сепак, дрогата и алкохолот победија. 

Имено, таа последен пат е видена во јавноста под дејство на алкохол како со помош на обезбедувањето го напушта клубот „Тру“, додека на зглобовите и рацете и биле видливи свежи гребаници кои крварат.

Оваа слика за неа беше многу поинаква од сликата на дамата која ја носеше титулата најдобар женски вокал во осумдесетите и деведесетите години на минатиот век и најнаградувана пејачка со над 400 награди, вклучувајќи шест Греми и две Еми награди и 30 билборди.

Црната кралица на поп музиката е родена на 9 август 1963 година во Њу Џерси како трето и најмало дете на Џон и Киси Хјустон. Нејзината мајка, како и баба Арета Френклин, биле џез, соул и госпел ѕвезди, па Витни била во постојан контакт со ритамот и музиката уште од рана возраст.

„Музиката е мојот живот. Од моето најрано детство бев дел од приказна во која звукот и ритамот ме прават среќна или тажна, а првиот пат кога стапнав на сцената знаев дека таму ќе останам до крајот на мојот живот. “, рече пејачката, која како единаесетгодишно девојче, на убедување на нејзината мајка, почна сериозно да се занимава со музика и да настапува како солист во баптистичката црква New Hope, каде научи да свири пијано.

Наместо да ужива во предизвиците на тинејџерскиот период, пејачката на таа возраст ги преживеала последиците од разводот на нејзините родители, а тие и оставиле лузни на срцето кои не зараснале ни многу години подоцна.

Токму во тоа време, таа ја сними и песната Life is Party со групата на Мајкл Загер, на која таа беше главен женски придружен вокал. Воодушевен од нејзиниот кадифеен глас, Мајкл и понудил договор дека ќе снимаат песни и ќе настапуваат заедно, но мајката на Витни одбила, објаснувајќи дека нејзиното најмало дете треба прво да заврши училиште. Истата година, таа пееше и придружни вокали во песната I Am Every Woman во изведба на Чаки Канс, а подоцна ја обработи и го направи еден од најголемите хитови на сите времиња.

Во раните осумдесетти, на концертот во Карнеги Хол каде што пеела со нејзината мајка, Витни била забележана од фотограф од списанието Seventeen. Тоа беше моментот кога таа се испроба во манекенството и стана првата жена со афро-американско потекло што се појави на насловната страница на овој престижен магазин. Истата година, судбоносната средба со продуцентот Клајв Дејвис го промени животот на една девојка која сакаше сè и секогаш повеќе од музиката.

Бидејќи Дејвис бил воодушевен од искреноста на Витни додека пее и неверојатната енергија што таа им ја пренесувала на слушателите, тој поминал две години внимателно избирајќи го материјалот за нејзиниот прв албум, кој ја здогледал светлината на денот во 1985 година.

Со првиот албум дојдоа и првите награди, а Витни ја доби наградата Греми за најдобар женски вокал, најдобар албум и откритие на годината. Во текот на осумдесеттите, нејзиниот успех ја издигна на самиот врв на ѕвезденото небо, што ниту една црна пејачка пред неа немаше можност да го доживее.

Според листата на Форбс, Витни кон крајот на осумдесетите станала една од десетте најбогати пејачки во светот и тогаш почнал нејзиниот пад. Иако добила се што отсекогаш сакала, дивата никогаш не била целосно среќна и задоволна бидејќи и недостигала машка рака и емотивно исполнување. Многу неуспешни врски, од кои најинтересни за јавноста беа оние со актерот Еди Марфи и рагбистот Ренди Кониган, покажаа дека пејачката иако на сцената изгледа многу самоуверено и смирено, всушност има проблем со приврзаноста.

Фатална љубов со Боби Браун

Меѓутоа, кога најмалку очекувала, го запознала својот животен придружник, музичарот Боби Браун. Музичките награди Soul Train беа пресвртница и таа конечно се заљуби во човекот за кој мислеше дека нема да и донесе ништо друго освен убави времиња. По три години врска, парот се венчаше на 18 јули 1992 година, а само една година подоцна ја добија ќерката Боби Кристина Хјустон Браун.

"Кога го видов Боби, имав впечаток дека го чекам цел живот. Тој беше совршен маж и би рекла дека тоа беше љубов на прв поглед, рече Витни.

Иако во текот на осумдесеттите и раните деведесетти се обидуваше да изгради имиџ на добра девојка, нејзиниот брак со проблематичен музичар кој помина неколку месеци во затвор поради кражба на автомобил и донесе лош публицитет.

Сепак, парот кој во неколку наврати дури и физички се пресметуваше во јавност, не престана да ги полни страниците на таблоидите, а денот кога беа фатени со одредена количина марихуана на аеродромот во Хаваи, повторно го отвори прашањето дали зависноста од дрога е причината за неодговорното однесување на Витни и фактот што нејзиниот ангелски глас почна да опаѓа.

„Не пушиме крек, тоа е евтино, иако ми се допаѓа, заработив толку многу пари во мојот живот што можам да си дозволам само скапи дроги. Дури и да е вистина, тоа е само моја работа. Се додека ја работам мојата работа како што треба, додека сум добра сопруга и мајка, никој ништо не може да ми каже“, изјави пејачката неколку дена откако беше фатена со опијати.

Таа сè помалку се појавуваше во јавноста, тивко страдајќи од љубопитните очи кои беа заинтересирани за неа секоја нова есен. Неколкугодишната осаменост и безброј обиди да ја спаси нејзината разнишана љубов уште повеќе ја уништија нејзината емоционална и психолошка состојба. На почетокот на 2006 година доживеа нервен слом и помина неколку дена во болница.

Медиумите тврдеа дека причината за хоспитализацијата не е емоционална криза и крај на нејзината најголема љубов, туку лекување од дрога. Сепак, веќе во септември истата година, Витни сфати дека повеќе не го сака Боби, што ја натера да одлучи да поднесе барање за развод. Во октомври судот го заврши процесот на еден од еден од најинтригантните парови во Холивуд, а нивната ќерка Кристина и ја доделија на нејзината мајка.

Токму кога сите помислија дека нејзината ѕвезда повторно ќе блесне со истиот жар како на почетокот на кариерата, Боби го зададе последниот удар на својата поранешна сопруга.

Ја обвини дека е единствениот виновник поради кој поминува низ емотивна криза и не може да се посвети на работата, со барање да донесе одлука според која таа ќе го издржува доживотно. Витни не можела да го поднесе обидот на поранешната љубов целосно да ја уништи, па доживеала нов нервен слом и покрај тоа што судот го одбил барањето на Боби. За да надмине уште една тешка фаза во животот, пејачката почна да работи на албумот I Look to You, од кој беше исклучително задоволна, а нејзиното големо враќање на сцената беше најавено за 2012 година. Сепак, судбината имаше сосема поинакво сценарио за неа.

Таа почина на 50-годишна возраст, на 11 февруари 2012 година, во Лос Анџелес, во хотелот Беверли Хилс, каде што следниот ден се одржуваше церемонијата на доделувањето на Греми наградите, на која беше поканета. Неколку дена претходно, Витни беше видена на забава.

Иако не е пронајдена дрога или алкохол, полицијата верува дека пејачката конзумирала алкохол претходно истата вечер, а потоа и лекови, комбинација која ја заспала во када и ја навела да се удави. Познатата пејачка е погребана во родниот Њу Џерси.

На нејзиниот погреб присуствуваа пријателите и семејството, а потресен говор одржа и нејзиниот долгогодишен пријател Кевин Костнер.

Таа однела една тајна во гробот

Во најновиот документарен филм за Витни, наречен „Can I Be Me“, нејзините блиски пријатели и соработници раскажаа некои досега непознати детали за нејзиниот живот.

Нејзината блиска соработничка, стилистката Елин Лавар, како и телохранителот на пејачката Кевин Амонс изјавиле дека Витни Хјустон била бисексуалка и дека имала долга врска со нејзината асистентка Робин Крафорд.

Истата судбина ја доживеа и ќерката

Боби Браун беше пронајдена речиси безживотна во када во 2015 година. Таа беше успешно реанимирана и ставена во индуцирана кома, но за жал ја загуби битката седум месеци подоцна.

Официјалното полициско соопштение гласи идентично како она за нејзината мајка, која почина три години претходно во хотелска соба во Беверли Хилс: редок случај на давење поради предозирање со кокаин и други супстанции.

Иако краток, животот на Боби Кристина Браун не беше лесен. Како единствено дете од контроверзниот брак на Витни Хјустон и Боби Браун, Боби Кристина целиот свој живот го помина под очите на јавноста.

Набргу по смртта на Витни Хјустон, Боби стана единствениот наследник на нејзиниот имот, кој во тоа време беше проценет на 115 милиони долари.

Таа почна во врска со семејниот пријател Ник Гордон, кого нејзиниот татко сè уште го обвинува за нејзината смрт.

„За жал, таа беше заглавена во  врска со момче кое ја контролираше до тој степен што и го одзеде животот“, рече нејзиниот татко Боби Браун во една епизода од Red Table Talk.

Боби беше 8-годишно дете кога Ник Гордон првпат влезе во нејзиниот живот. Ник имал 12 години кога завршил на прагот на семејството Хјустон-Браун. Неговата мајка, поранешна пријателка на Витни, повеќе не можела да се грижи за него, па го испратила со надеж дека Витни ќе се грижи за него.

Витни великодушно му ја отвори вратата од својот дом и го одгледа како да е нејзин син. Иако таа никогаш официјално не го посвои, Ник и Боби пораснаа заедно како брат и сестра.

Романтичната врска ја започнаа по трагичната смрт на пејачката во 2012 година, а следната година на изненадување на сите потврдија дека се вериле во реалното шоу „The Houstons: On Our Own“.

„Уморна сум од слушање коментари на луѓе како „Фуј, ти си свршена со брат ти“ или „Да беше жива Витни, што би ти рекла“, се пожалила Боби во објавата на нејзиниот Фејсбук профил.

Иако парот потврди дека се венчале во 2014 година, по смртта на Боби Кристина, адвокатите на семејството Браун се огласија и енергично ги демантираа медиумските написи дека Боби, која за жал починала, ја пронашол во када од нејзиниот сопруг Ник Гордон.

„За да се поправат претходните изјави, Боби Кристина не е и никогаш не била во брак со Ник Гордон“, изјави адвокатот на семејството, Кристофер Браун.

Семејството Браун покрена приватна тужба против Ник, кој го сметаа за одговорен за нејзината смрт, а во 2016 година, судот во Атланта пресуди во нивна корист и му нареди на Ник да плати отштета од 36 милиони долари.

Ник Гордон го напушти светот во 2020 година исто како и неговата детска љубов. Тој бил пронајден мртов во соба во Флорида, а причина за смртта е предозирање со хероин.