Радица живее сама на планина, а нејзината приказна е болна и тешка: Жената волк се храни во шума, не знае кој месец или година е
Неодамна социјалните мрежи повторно зовреа поради краткиот клип од шоуто „Squaring the Circle“, емитувано за прв пат во 2019 година. Тој клип го привлече вниманието на јавноста поради извонредната приказна за Радица Бркушанин, исклучително необична и храбра жена која живее сама на планината Чемерно.
На таа снимка се слуша водителот на емисијата Бранко Станковиќ како ја прашува Радица дали се чувствува осамено или и недостигаат луѓе. Нејзиниот одговор, малку циничен, но со насмевка беше: „Какви луѓе, што ќе ми се луѓето. Волкот живее сам“ Тој одговор брзо стана популарен, освојувајќи многу лајкови и коментари, а јавноста и го даде прекарот „најпаметната жена во Србија“.
Многумина коментираат дека нејзиниот начин на живот е филозофски зрел и дека посакуваат и тие да го имаат истиот став.
И покрај тоа што нејзиниот одговор изгледа сочувствителен и донекаде разбирлив во ситуации на гнев и неправда, приказната за Радица Бркушанин е многу тешка, дури и шокантна.
Nisam upoznao ženu ali mnogo pametna pic.twitter.com/23UmYB4Xqn
— (@Gloda_MR) October 2, 2022
Радица се храни со она што го наоѓа во шумата - бобинки, овошје и печурки, живеејќи сосема сама во дрвена колиба без основни ресурси како струја и вода.
Но, кога ќе дојде зимата, снегот станува голем проблем. Нема повеќе плодови, што практично значи дека оваа неверојатна жена се соочува со сериозна закана од глад. Минатата година, во ноември, во Радица беше наставничката Вања Николиќ од блиското село Маглич, но и покрај нејзината добронамерна желба да помогне, Радица не прифати никаква помош или поддршка.
Снегот на планината достигнува висина од над два метри, а температурите се спуштаат под десет степени под нулата, што ги прави речиси невозможни нејзините услови за живот.
Наставничката Вања, која се обидува да помогне, истакна дека Радица е многу недоверлива кон луѓето и одбива секаква помош. Иако како помлада Радица можеше сама да се снаоѓа во дивината, сега, навлегувајќи во осмата деценија од животот, тешко се справува со суровата природа. Нејзината тврдоглавост во одбивањето помош дополнително ја влошува и онака тешката ситуација.
Нејзината непријателска природа кон странци создава пречка во пружањето помош. Ниту контактите со социјалните работници не беа успешни, бидејќи таа ги пречека со недоверба.
Соседите откриле дека Радица со години живее сама, откако претходно живеела со мајка си и дека и двајцата избегнувале контакт со луѓе.
Фото: принтскрин Јутуб
