Добивај вести на Viber

Кортни Кардашијан и нејзиниот вереник Тревис Баркер ја одржаа и третата свадбена церемонија.

Кортни Кардашијан и Тревис Баркер прво се венчаа во Лас Вегас по доделувањето на Греми наградите, а потоа неодамна во Санта Барбара на многу специфична церемонија, а ја најавија и својата трета венчавка во Италија.

Кортни и Тревис ја организираа, се чини, најсериозната од сите три свадби досега, а церемонијата се одржа во прекрасното италијанско гратче Портофино.

Во прашање е интимна прослава, но не помалку спектакуларна.

Кортни носеше венчаница на Долче и Габана со долг превез на кој е Богородица и сведена фризура. Немаше премногу шминка, се беше софистицирано и во нежни бои.

На оваа церемонија присуствуваа семејства, за разлика од втората венчавка кога Кортни ја покани само баба ѝ, а носеше фустан кој беше мета на критики.

Да потсетиме, за Кортни ова е прв брак, додека за Тревис трет, а иако и двајцата имаат деца од претходните врски, таа не крие дека сака и со Тревис да има дете. Неодамна беше критикувана дека има вишок килограми, па зборуваше за ин витро оплодување и истакна дека тоа е тежок процес за неа, но не сака да ја изгуби надежта.

Фото: Instagram Screenshot