Родителите ја напуштиле откако се родила со Даунов синдром: Софија денес е голема ѕвезда, а нејзината приказна е потресна

Родителите на Софија ја напуштиле при раѓањето поради нејзината состојба, но судбината ја одвела кај пар во САД кој ја посвоил. Софија отишла во семејство полно љубов, а се започнало кога Џенифер и Хектор Санчез случајно наишле на нејзината фотографија на веб-страницата на организација која поддржува и наоѓа домови за меѓународни деца без родители со Даунов синдром и други посебни потреби. Двојката веќе имала три сина, едниот со Даунов синдром и сакала да го прошири своето семејство.

„Мислевме дека бидејќи веќе одиме на пат да воспитаме дете со Даунов синдром, зошто да не посвоиме друго и да ѝ дадеме на Софија дом со љубов и на Хоакин да му дадеме брат или сестра исто како него“, рекла Џенифер.

Како мајка на две деца со посебни потреби, Џенифер Санчез ги користела социјалните мрежи за да ја подигне свеста и да ги сподели искуствата на своето семејство. Таа ги охрабриla нејзините деца да го најдат својот глас и да проговорат, што довеlo до тоа Софија да стане истакнат застапник за лицата со Даунов синдром. Софија дури работела како модел и се појавувала во неколку национални рекламни кампањи и реклами.

„Оваа година помислив дека можеби е време луѓето да ги слушнат моите деца, а не јас. Кој е подобар човек да ја подигне свеста од некој со Даунов синдром?“ сподели Џенифер.

Софија успешно ги оспори заблудите поврзани со нејзината состојба. Таа учествувала во неколку кампањи за да ги отфрли погрешните сфаќања на луѓето за Даунов синдром.

Во претстојното продолжение на „The Hunger Games: The Ballad of Songbirds & Snakes (2023)“, Софија ќе се појави заедно со познати личности како Хантер Шафер, Виола Дејвис, Питер Динклиџ и Рејчел Зиглер.

Фото и Видео: Инстаграм