S-BANKA – ОТСЕГА СО НОВ, МОДЕРЕН ДИЗАЈН, ДОСТАПНА И ЗА ПРАВНИ ЛИЦА, СО МНОГУБРОЈНИ ФУНКЦИОНАЛНОСТИ

Добивај вести на Viber

Шпаркасе Банка АД Скопје, следејќи ги актуелните трендови на пазарот и работејќи во интерес на своите клиенти, со цел да им овозможи непречена мобилност и достапност на широк опсег банкарски услуги, воведе многубројни новитети во својата мобилна апликација S-Banka.  

Новата верзија на мобилната апликација S-Banka, со новиот модерен дизајн креиран за подобрено корисничко искуство, има нови функционалности за физички лица, а за првпат е достапна и за правни лица, клиенти на Шпаркасе Банка. 

Со цел подобрување на квалитетот на услугите, за физичките лица што се корисници на S-Banka воведуваме:

⁃ Интегриран С-Токен за најава и плаќање на веб

⁃ Можност за најава на веб со push-нотификација

⁃ Можност за плаќање со потврда со push-нотификација

Физичките лица досега имаа пристап до следните банкарски услуги на S-Banka:

⁃ Едноставен начин на плаќање режиски трошоци, интерни трансакции и трансфер на средства кон сите физички и правни лица

⁃ Биометрија (Face ID / Touch ID) при најава во апликација и авторизација на налози

⁃ Плати на пријател – брзо и едноставно префрлување средства на Вашиот пријател со сметка во Шпаркасе Банка, само со избор на неговиот контакт во телефонскиот именик

⁃ Подели сметка – лесно делење на вкупниот износ за плаќање со Вашите пријатели со сметки во Шпаркасе Банка и корисници на апликацијата S-Banka, само со избор на нивните контакти од телефонскиот именик

⁃ Pop-up нотификации за сите нови функционалности и унапредувања на решенијата на банката, во функција на клиентите

Правните лица, пак, за првпат добиваат можност за користење на мобилната апликација S-Banka, извршувајќи многубројни банкарски услуги, меѓу кои:

⁃ Биометрија (Face ID / Touch ID) при најава во апликација и авторизација на налози

⁃ Увид во состојбата на сите денарски сметки и бизнис-картички

⁃ Можност за плаќање од денарски сметки каде што корисникот е овластен

⁃ Можност за креирање и снимање налози

⁃ Увид во е-налози и идни налози

⁃ Увид и експорт во PDF на налози и извод за денарска трансакциска сметка

⁃ Лоцирање на најблиските банкомати и експозитури

⁃ Увид во курсна листа

Новата верзија на мобилното банкарство на Шпаркасе Банка уште еднаш ја потврдува стратегијата на Банката за дигитализација и модернизација на своите услуги и овозможување врвно корисничко искуство за своите клиенти.