Сѐ што прават француските родители поинаку од нас, а децата им се мирни и среќни
Правилата за воспитување на француските родители некои ги фалат, а други ги сметаат за контроверзни.
Француското родителство стана светски познато по нагласувањето на важноста од поставување јасни граници за децата и транспарентно прикажување на последиците за нивните постапки, истовремено поттикнувајќи ја независноста и самодисциплината на децата. Француските родители, исто така, ставаат силен акцент на учењето на децата да ја ценат и да уживаат во храната, уметноста и културата уште од рана возраст. Покрај тоа, францускиот образовен систем е многу почитуван и го нагласува критичкото размислување, за кое се верува дека придонесува за успехот и независноста на француските деца.
Ова се методите со кои француските родители ги одржуваат своите деца смирени и среќни.
Не се однесувајте како родител хеликоптер
Хеликоптер родителство, каде родителите „лебдат“ над своите деца во обид да ги контролираат нивните животи (социјални, академски, психолошки, спортски итн.), е сосема спротивно од тоа како Французите ги воспитуваат своите деца. Постои мала желба да се контролира животот на детето; напротив, целта е да ги направиме независни уште од мали нозе, дозволувајќи им да експериментираат, да доживеат неуспех и да донесуваат одлуки соодветни на возраста. На игралиштата во Франција нема да видите родители како стојат до своите деца и им помагаат да се качат на лулашките. Тоа не е рамнодушност или невнимание, но француските родители веруваат дека вистинското учење доаѓа од обиди и грешки.
Најдете време само за семејството
Французите во текот на неделата сакаат да вечераат заедно, без телевизор или телефон за да се фокусираат еден на друг. Семејствата поминуваат голем дел од викендите заедно, без разлика дали спортуваат, одат на долги прошетки, посетуваат музеи или едноставно се релаксираат. Нон-стоп возењето на децата на повеќе активности, спортски настани или состаноци не е норма.
Кога е време за игра, време е за игра
Играта на отворено и физичката активност се исклучително важни во Франција. Училишниот ден е ригорозен, бидејќи од децата се очекува да се однесуваат правилно и да бидат фокусирани многу часови (обично од 08:30 до 16:30 дури и за мали деца). За време на еден типичен училишен ден има до три паузи за деца; две пократки и еден долг. Не само што играњето е физичка активност, туку Французите веруваат дека тоа е и поттик за мозокот.
Кога не е време за игра, не е време за игра
Постои кодекс на однесување кој се сфаќа многу сериозно. Децата учат правилно да седат на масата, да ги поздравуваат возрасните, да не ги прекинуваат другите додека зборуваат и да седат тивко кога приликата го бара тоа. Нема да видите деца како трчаат по ресторани, тие седат со возрасни и се впуштаат во разговор.
Послужете им на вашите деца вистинска храна
Француските родители не им дозволуваат на децата да јадат само тестенини и чипс. Французите сериозно ја сфаќаат храната, а тоа ја вклучува и храната што им ја служат на децата. Од мали нозе се очекува децата да јадат иста храна како возрасните. Нема обичај да им служи на децата еден оброк, а на возрасните друг. Јадат исто, само во помали количини.
Родителите се сметаат за важни како и децата
Родителите, особено мајките, немаат тенденција да се „изгубат“ кога имаат деца. Тие сметаат дека нивните приоритети и благосостојба се исто толку важни како и на детето. На крајот на краиштата, ако не се грижат за себе, каква корист имаат нивните деца?
Кариерата продолжува - многу новопечени мајки земаат неколку месеци одмор на породилно отсуство, а потоа се враќаат на работа. Родителите имаат тенденција да одвојуваат време за себе, потпирајќи се на бабите и дедовците да помогнат во грижата за децата.
Не претеруваат
Кај француските родители нема очајнички страв дека нивното дете ќе пропадне во животот доколку не е истовремено атлетски шампион, претседател на драмската секција и врвен музичар. Французите имаат порелаксиран пристап кон активностите. Ако детето е премногу уморно, која е поентата? Децата имаат долг, ригорозен училишен ден, зошто да додадете повеќе активности?
Фото: фрипик
