Сакаше да излегува до рано наутро, а јас да ја чекам дома: 2 децении по разводот, Џоле Џогани откри зошто се развел од Слаѓа

Слаѓа Делибашиќ и Џоле Џогани раскинаа пред повеќе од 20 години, а дури неодамна ги открија причините за разводот

Џоле Џогани веќе две децении е во хармоничен брак со сопругата Весна, со која ги има синот Адријан и ќерката Лаура. Пред оваа брачна идила, фронтменот на групата Џогани беше во брак со Слаѓа Делибашиќ, поранешна членка на споменатата група. Од тој брак тој има две ќерки Силвија и Маринела.

Тие останаа во добри односи, а пејачката еднаш зборуваше за разводот и призна дека можеби згрешила.

„Понекогаш велам дека го направив тој развод брзо. Јас сум брзоплета. Немам трпение. Во сè сум или најдобра или најлоша, средина нема. Мислам дека Господ не ми ја отвори вратата на љубовен план и дека ме стави низ разни искушенија. Бев со повеќе партнери и на крајот секогаш нешто излегува“, изјави во една прилика Делибашиќ за „Курир“.

А популарниот танчер еднаш си ја отвори душата и откри како се чувствувал после тој период.

„Многу тешко го понедов разводот, првпат во животот не знаев како да се снајдам. Кога ја правевме куќата во која сега живее Слаѓа, ја направив на два ката, голем двор, замислував дека во тој некој дел, кога ќе бидам дедо, ќе правам скара. Однапред цел живот си го видов со неа, замислував внуци. Бев изгубен, не знаев како понатаму - призна Џоле во документарниот филм „Живот и сцена“ , и призна дека одел на психијатар.

„Ја молев Слаѓа да седне, да поразговараме и да видиме што е проблемот. Дури отидов и на психијатар, побарав стручно мислење. Ја повикав заедно да разговараме и да видиме како ќе се однесуваме во новонастанатата ситуација и кон децата, затоа што не знаев како. Потоа ме погледна полна со себе и ми рече: „Треба да одиш на психијатар“. Еднаш успеал да ја однесе со себе, но не ѝ се допаднало, и тој нагласи дека Слаѓа е крива за разводот.

„Во периодот на развод многу ја поштедив по медиумите и добив шлаканица по грб. Не бев јас тој кој го предизвика разводот, туку таа. Слаѓа не се снајде со популарноста и парите. Немавме многу, но за неа во тоа време се закачија некои спонзори со поинаков начин на живот и некои мажи кои ја сакаа за себе и ѝ ветуваа секакви работи“, рече Џоле Џогани и откри кој момент бил пресуден:

„Се изгуби и почна да бара од мене повеќе слобода отколку што треба да има жена и мајка на две деца, да речеме да излегува со другарките до два часот по полноќ, додека јас седам дома и ја чекам. Тоа беше еден од нејзините услови. Не ми одговараше и ѝ реков: „Ајде, убаво да завршиме со ова.“.

Овој пат Слаѓа не сакаше претерано да се навраќа на минатото, туку кратко одговори дека најважно ѝ е семејството да ја знае вистината.

„Не ме интересираат неговите интервјуа и неговите поплаки. Немам потреба да објаснувам. Сè што кажа, нека биде така, а јас ќе молчам. Не можам да се занимавам со приказни од пред 22 години. Моите најблиски најдобро знаат како беше. Тоа ми е важно, татко ми, брат ми и децата да знаат што се случи тогаш“, изјави Слаѓа за медиумите.