Се омажи пред три години, но дури сега се пофали: Фотографии од венчавката на Анета Наковска
Пред два дена Анета Наковска прослави три години брак, но дури сега одлучи фановите да ги почести со фотографии од венчавката.
- Денес е посебен ден, па ете мажу мој убав од сѐ срце ќе посакам Господ да не нѐ раздели, да останеме заедно во оваа љубов, хармонија и брачна среќа којашто ја имам. Ти благодарам што ме правиш толку среќна и што си токму таков, посебен и прекрасен - напиша познатата пејачка на социјалните мрежи.
Наковска со нејзиниот партнер, бизнисменот Спиро Крлевски, веќе неколку години живее на релација Македонија-САД. Кога не се во Скопје, најчесто уживаат во семејниот дом во охридско Велгошти. Во една прилика откри дека партнерот не само што ѝ дава максимална поддршка во градењето на естрадната кариера, туку дека и директно е вклучен во креативниот дел.
