Се сеќавате ли на Сузан Бојл? Денеска е милионерка и изгледа сосема поинаку

Пред десетина години се прослави во шоуто „Британски суперталент“ кога целиот свет слушна за скромната домаќинка со ангелски глас. За нејзиниот живот може да се сними филм - Од трње до ѕвезди. На Сузан Бојл секојдневието комплетно ѝ се промени, таа повеќе не е сиромашна. Разбирливо, Бојл го промени и физичкиот изглед и во интервјуата милува да каже дека секојдневно добива бројни љубовни и брачни понуди.

- Ми се промени животот. Бев обична жена и живеев со мачка. Продадов преку 20 милиони плочи и тоа е премногу за мене - низ насмевка коментира Сузан.

Бојл досега заработи околу 22 милиони фунти, но и понатаму се обидува да живее скромно, а доказ за тоа е и фактот што се’ уште можете да ја најдете на истата адреса. 

Најскапите работи кои досега си ги приуштила се бунда и клавир. Досега имала и неколку неуспешни обиди да добие возачка дозвола.