Шенон Доерти пред смртта ги откри највалканите тајни на „Волшебнички“ и за прв пат призна колку зло ѝ нанела колешката: Ова е вистината, а зборовите сега само болат
![](/media/main/2024/07/20240715093449.jpg)
Од 2001 година, кога покојната Шенон Доерти, која ја играше
најстарата сестра Пру, ја напушти хит серијата „Charms (Волшебнички)“, кружат
различни приказни за причината за ненадејното заминување. Фановите не можеа да
се помират со загубата на 'Пру', па сите прстот го вперија во Алиса Милано која
ја глумеше Фиби, обвинувајќи ја дека е причина за таквиот епилог. Иако Доерти
со години се правдаше дека таа доброволно си заминала поради „недостиг од
ентузијазам за работа“, ќе испадне дека фановите биле во право.
Неколку месеци пред нејзината смрт, по деветгодишна борба со ракот, познатата актерка во својот подкаст „Да бидеме на јасно“ заедно со нејзината пријателка и поранешна колешка Холи Мари Комбс (средната сестра Пајпер) откри што всушност се случувало и зошто излажала.
Се започнало помеѓу снимањето на првата и втората сезона кога Холи била во болница, а Алиса и нејзината мајка не сакала да дозволат Шенон да ја посети нејзината тогашна многу блиска пријателка по операцијата. Бидејќи Комбс потекнувала од деструктивно семејство, Алис и нејзината мајка ја прифатиле како своја, но немало место за Шенон - во тој момент најголемата ѕвезда меѓу нив, со оглед на тоа што таа веќе ја имаше глобално признатата улога на Бренда во познатата серија "Беверли Хилс".
Од тој момент, тензијата растела се‘ повеќе и повеќе, Шенон и Алиса веќе не зборувале надвор од репликите во сценариото, а сè кулминирало на крајот на третата сезона кога Алиса отишла кај продуцентите и рекла: „Или таа, или јас."
- Алиса ни кажа „таа или Шенон“ и се закани дека ќе не‘ тужи за непријателско работно опкружување - рекла Холи во подкастот.
- Не се сеќавам дека некогаш сум била злобна кон неа на снимање - додала Шенон (52) како одговор на приказната на Холи.
Во тоа време, Шенон имаше репутација на тешка актерка за работа, а нејзиното отпуштање ќе беше помалку изненадувачки за фановите, бидејќи таа исто така беше „избркана“ од „Беверли Хилс“ поради нејзината бунтовност. Алис стануваше сè попопуларна, па копјата паднале на Шенон Доерти, која во подкастот призна дека лажела сите овие години за да не си ја уништи кариерата со уште еден отказ.
Сите нетрпеливо чекаа да видат што ќе каже Алиса Милано за сето ова - и конечно се случи.
- Знаев дека ова ќе се случи на еден или друг начин и сакам да бидам многу внимателна како реагирам на било што. Само ќе кажам дека сум тажна. Мислам дека не сум навистина тажна за себе или мојот живот или како тоа влијае или не влијае на мојот живот. Најмногу сум тажна за фановите. Најтажна сум што серијата, која толку многу значеше за толку многу луѓе, беше извалкана од токсичноста што се случува и денес, речиси четврт век подоцна. Тажна сум што луѓето не можат да го надминат тоа. Тажна сум што не можеме само да го славиме успехот на серијата која ни значеше толку многу на сите - објасни Алиса Милано (51).
Актерката тогаш призна дека годините кога ја снимала хит серијата и биле „тешки“.
- Работев напорно во мојот живот во последните 25 години за да ги излечам сите мои трауми и тоа не се само сите трауми што ги доживеав за време на снимањето, туку и сите мои трауми. Работев навистина напорно за да ги излечам сите делови од себе затоа што разбирам дека повредените луѓе ги повредуваат луѓето и мојата намера е да бидам излечена личност која помага да се лекуваат луѓето“, продолжи таа.
Таа, исто така, рече дека сака да може да биде на сцената со Шенон Доерти и Холи Мари Комбс, особено затоа што чувствува дека се извинила за „секоја улога што ја одиграла во таа ситуација“.
- Ова е непријатен дел кој посакувам да беше поинаков. Затоа ви се извинуваме на сите вас кои сè уште не‘ сакате – додаде таа како гостин и самата во подкаст.
Милано претходно тврдеше дека таа и Шенон биле во контакт со текот на годините, но сè уште не е јасно до кој степен.
И не заврши тука. Веднаш, на панел се собраа Шенон Доерти, Холи Мари Комбс и Роуз МекГаун, која ја замени Доерти во серијата како Пејџ Метјуз, изгубената полусестра, и одговорија на изјавите на нивната поранешна колешка.
- Холи и јас не бевме злонамерни во мојот подкаст „Да бидеме на јасно“. Спакувавме се‘ за да не предизвикаме дополнителна драма. Ја кажавме вистината затоа што само вистината е важна. Сакавме да ве заштитиме - фановите - од разочарување колку што е можно повеќе човечки. Во здравствената состојба во која сум во моментов и со страшна болест, со која се борам секој ден, само сакав да ја откријам вистината, спротивно на наративот што другите се обидуваат да го наметнат - истакна Шенон на почетокот на својата презентација. , потоа се скрши во солзи.
Фото: Youtube - screenshoot/Инстаграм