Маж ѝ земал отсуство од работа, за таа да оди сама на одмор: „Многумина ме осудуваат, а јас сакав само да побегнам од сѐ неколку дена“

Лежејќи на сонце, Луиз Рестиво ја спушти книгата на својата лежалка и го зеде менито за пијалаци. „Што да нарачам следно? - се прашуваше таа гласно, додека згоден келнер влезе во нејзиниот поглед. Гостите од хотелот во кој престојувала биле убедени дека таа е слободна жена која ужива во својот „сингл“ одмор.

Малкумина би претпоставиле дека 39-годишната мајка ги оставила своите три мали деца дома со сопругот додека таа уживала неколку дена од времето „јас“. Наставничката, која живее во Бромли, југоисточен Лондон, со нејзиниот сопруг Аги (40), програмер на игри, и нивните деца Ема (7) и близначките Агнес и Мејбел (4), се колне дека соло одморите се клучни за нејзиниот среќен брак.

Како што вели, и недостигале сопругот и девојчињата, но дека паузата од секојдневните обврски околу куќата и децата била совршена и дека целосно ги наполнила батериите.

Благодарна сум на мојот сопруг што ми дозволува да избегам од реалноста од време на време и што апсолутно се грижи за децата додека сум отсутна“, изјави Луиз за The Sun и додаде:

Тоа што сум далеку ми даде време да ми недостига и да размислувам за него и повторно да се заљубам во него“.

Таа веќе се радува на уште еден соло луксузен одмор, овој пат во Црна Гора. Тоа ќе биде нејзин втор ваков одмор оваа година по четиридневното патување во Албанија - нејзиниот прв одмор без семејството - во мај оваа година. Како што изјавила, соло одморот многу се разликувал од нејзините семејни патувања.

„Кога си соло, не мора ни да појадуваш, пиеш кафе во тишина, се релаксираш и јадеш нешто по пат додека го разгледуваш градот или на плажа. Кога си со семејството, штом ќе ги отвориш очите, мораш да ги нахраниш децата и да ги подготвиш сите за на плажа, се разбира со еден куп реквизити и да го фрлиш првото нешто што ќе ти дојде до рака“, објаснува таа.

„На овој начин го имам целото време на светот да се посветам, што навистина ми треба во некои моменти. На овој начин се враќам кај моето семејство подобро отколку што бев и подготвена сум за сите нови предизвици. Не мислам дека сум лоша мајка поради тоа, напротив, мислам дека сите жени треба да си го дозволат тоа“, заклучила Луиз.

Какво е вашето мислење на оваа тема, дали семејните жени треба да си дозволат неколку дена во годината за соло уживање далеку од семејството и секојдневните обврски?

Фото: фреепик/Фејсбук