Stefani & The Upper Room со Госпел концерт во Македонската филхармонија
На 30 март, љубителите на госпел музиката ќе имаат можност да уживаат во незаборавен музички спектакл во Македонската филхармонија. Stefani & The Upper Room ќе приредат концерт исполнет со моќни вокали, енергични аранжмани и инспиративна порака.
„Госпел музиката носи порака на надеж и верба во нешто поголемо од нас. Иако произлегува од тешки времиња, нејзината суштина е радоста и духовната сила“, вели Стефани Барбутова, основач на бендот и долгогодишен изведувач на современа христијанска музика.
Концертот ќе понуди спој на традиционални госпел песни и модерни аранжмани со џез, соул, R&B и поп елементи. Покрај бендот, дел од вечерта ќе биде и The Upper Room госпел хор, кој дополнително ќе ја збогати атмосферата.
Билетите се достапни на karti.com.mk и на продажните места низ Македонија. Не пропуштајте вечер исполнета со емоции, музика и инспирација!
