Светот шокиран од сознанието дека оваа жена е пуштена од затвор: Беше членка на култ, а она што го направи беше страшно

Добивај вести на Viber

Фото: Youtube/printscreen

Лесли Ван Хаутен, поранешна членка на култот на Чарлс Менсон, беше ослободена од затвор откако отслужи казна за убиство на неколку луѓе под влијание на идеологијата на култот

Лесли Ван Хаутен беше ослободена од затвор во вторникот, откако отслужи 53-годишна затворска казна за нејзината улога во две од злогласните култни убиства на Чарлс Менсон.

Лесли беше најмладата припадничка на тој култ и кога ја убија актерката Шерон Тејт имаше 19 години. Сега е слободна, префрлена во специјална установа за рехабилитација. Се очекува таа да остане во објектот околу една година, а нејзиниот адвокат вели дека Лесли сега учи како да користи мобилен телефон, да оди во продавница и да користи кредитна картичка.

„Сè уште се навикнува на идејата дека ова е реално. Помина 53 години во затвор и не знае да користи банкомат, мобилен телефон или компјутер“, вели нејзиниот адвокат.

Лесли имала 19 години кога убила неколку луѓе од култот на Чарлс Менсон, под влијание на неговата идеологија.

За време на судењето, таа признала дека ја држела Розмари, а потоа ја прободела во стомакот 16 пати, дека им помогнала на другите да го исечат телото на Лена пред крвта да се размачка по ѕидовите. Лесли не учествувала во убиството на актерката Шерон Тејт, но била присутна.

Фото: Youtube/printscreen

Таа изјавила дека се кае за убиството, дека е ментално болна поради употребата на ЛСД и дека верува дека Чарлс Менсон е „Исус Христос“.

Лесли најпрвин беше осудена на смрт, но казната ѝ беше намалена на доживотен затвор, па три пати поднесе жалба и сега жалбата беше прифатена, а таа беше ослободена.

Култот познат како „Семејството Менсон“ е одговорен за смртта на 7 лица, меѓу кои и бремената актерка Шерон Тејт.

Чарлс Менсон почина во затвор во 2017-та година, од природна смрт. Имаше 83 години.