Таа е новата девојка на Бредли Купер: Политичарка е, била невина до 32 години, нејзиниот поранешен сопруг го уништи нејзиниот и животот на Хилари Клинтон

Како што пишуваат американските медиуми, холивудскиот актер Бредли Купер е во првата сериозна врска по раскинувањето со руската манекенка Ирина Шајк, со која има ќерка.

Американскиот актер Бредли Купер (47) зад себе има еден краток брак и многу љубовни врски, а најголемата љубов ја имаше со манекенката Ирина Шајк со која ја има ќерката Леа де Сејн.

По четири години љубов, Бредли и Ирина раскинаа во 2019 година и оттогаш имаат извонредна врска - толку добро се сложуваат што њујоршките папараци постојано ја фотографираат Русинката како излегува од неговиот стан, заедно ја шетаат ќеркичката и поминуваат време со неа.

Поради ова постојано се шпекулира дека парот се смирил, но сега доаѓа вест дека Бредли е среќно вљубен во друга жена, исто така позната за американската јавност.

Според порталот Page Six, новата девојка на Бредли Купер е Хума Абедин (45), политичарка со индиско-пакистанско потекло, најблиска соработничка на некогашната поранешна прва дама, државен секретар и кандидат за претседател на САД, Хилари Клинтон.

Ана Винтур, уредничката на магазинот „Вог“, наводно се запознала со новиот пар.

Како што додаде друг извор, оваа врска трае веќе некое време, а дури неодамна беше откриено дека до неодамна Бредли Купер се гледал со актерката Дијана Агрон.

- Бредли е во врска со Хума веќе неколку месеци и двајцата тоа го кријат. Тој раскинал со својата колешка Дијана Агрон и веднаш почнал да се гледа со Хума - рекол неименуваниот извор.

Наводно, Хума прави се за да скрие кој ѝ го украл срцето, дури и на најблиските пријатели не им кажува дека има момче и не им го открива неговиот идентитет.

„Тие се совршени еден за друг“, вели изворот.

Хума Абедин, инаку, во ноември минатата година ги објави своите мемоари „Both/And: A Life in Many Worlds“, во кои сподели интересни детали за нејзиниот живот. Имено, таа е многу религиозна муслиманка, откри дека била невина до 32-та година, кога се омажила за Ентони Вајнер, американски демократ кој 12 години го претставувал округот на државата Њујорк во Конгресот.

фото: EPA-EFE/JUSTIN LANE

Тој ја напушти оваа позиција по скандалот: додека Хума беше бремена, Вајнер на жените им испраќаше непримерни фотографии и пораки преку Твитер.

Ова неповратно го наруши неговиот углед на феминист и борец за правата на злоупотребените жени, поради што тој поднесе оставка од Конгресот во 2011 година.

Пет години подоцна, тој повторно бил фатен како испраќа непристојни зборови на жените, па дури и испратил своја гола фотографија на една девојка, додека лежел во кревет со својот и синот на Хума. Набргу потоа, Њујорк Тајмс објави дека парот се разведува.

- По долго и болно размислување и работа на мојот брак, решив да се разделам од мојот сопруг. Јас и Ентони ќе останеме посветени да го правиме најдоброто за нашиот син, кој е светлината на нашите животи - нагласи тогаш Хума.

Веднаш потоа се појавија тврдења дека Вајнер испраќал несоодветни пораки на 15-годишно девојче, а во текот на истрагата му биле одземени уредите за комуникација. На неговиот лаптоп тогаш биле пронајдени контроверзните мејлови кои Хилари Клинтон ги праќала од приватна адреса наместо од безбедна, што поттикна истрага 11 дена пред претседателските избори, за кои Клинтон наводно верува дека било главната причина поради која изгубила од Доналд Трамп.

Во секој случај, Вајнер беше осуден на затвор од 21 до 27 месеци, одлежа и е на слобода од 2019 година.