Тајната на песната „11“ која ја изведува Марија Шерифовиќ: Има важна симболика за пејачката

Како што објасни, многу важни настани се поврзани со овој број...

Пејачката Марија Шерифовиќ во 2017 година објави балада под назив „11“, а јавноста од првиот момент почна да се интересира каква тајна крие оваа песна и зошто носи токму таков назив.

Како што објасни пејачката во една прилика, најважните настани во нејзиниот живот се поврзани со бројот „11“, па оттука е и називот на песната.

„Тоа е датум кој многу пати ми се случи, а родена сум во ноември. 11 е мојот среќен број, а во животот многу убави работи ми се случувале и на некој начин имале врска со тој број“ - кажа Марија во една прилика.

Иако песната е од љубовен карактер, Шерифовиќ еднаш кажа дека таа песна не му е посветена на никој, туку дека зборува за неа.

„Најискрениот одговор би бил - на мене. Направив нешто за своја душа, како и за душите на сите оние кои во овој момент плачат за музиката повторно да биде она што беше“.