Тале ми е духовен водач: Благица Павловска проговори за сопругот

По сите животни премрежја, Благица Павловска е повторно среќна и исполнета. Популарната пејачка повеќе не ја крие приватноста. Напротив, на социјалните мрежи се почесто објавува семејни фотографии.

- Го најдов својот мир покрај човекот на мојот живот. Тале ми е духовен водач, тој е мојата сродна душа. По последниот бродолом кој ми се случи на приватен план, решив да направам пауза и да се посветам на самата себе, да си ја смирам душата и едноставно да се излечам. И тогаш, најспонтано се заљубив, во човекот кој во моментов седи со мене и ми го храни срцето. Ова не е една од тие љубови кои брзо се палат и гаснат. Во оваа врска имам силна духовна поврзаност, љубов и почит, а тоа е најважно - изјави неодамна Павловска.