„Татко ми замина откако се родив, а мајка ми ме остави во дом за незгрижени деца“: Весна Џогани среќата ја најде во 22 години постар маж

Животната приказна на Весна Џогани е проткаена со потресни детали за кои малкумина знаат.

Пејачката Весна Џогани не престанува да ја воодушевува јавноста со својот изглед и извајано тело во 5-тата деценија, а својата фигура ја доведе до совршенство благодарение на специјалниот режим кој го следеше.

Покрај беспрекорниот изглед, Весна плени и со гласот, а нејзините балади се особено популарни кај помладата популација. Пејачката е многу успешна, а малкумина знаат дека имала многу тежок живот и дека нејзиниот пат до успехот бил многу трнлив.

Родена е во Белград. Нејзината мајка Сретена останала во друга состојба, а татко и не сакал да го прифати тоа дете, па на една година била принудена да ја остави Весна во прифатилиштето за напуштени деца на улицата Звечанска во Белград, каде пејачката поминала дел од нејзината младост.

- Роденa сум од голема љубов, тоа не била врска за една ноќ. Но, јас останав сама со мајка ми како бебе и никогаш не добив одговор зошто татко ми не остави и не сакаше да плаќа алиментација или да ме види - ја започна својата приказна Весна и се присети на периодот што го поминала во дом за  деца:

- Бев некое време во Звечанска и тоа беше многу голема траума, се сеќавам на тоа иако бев многу мала. Се сеќавам дека цело време плачев таму. Тоа е како болно дете кое има температура и само вика: „мамо, мамо“, а мама ја нема, нема како да дојде. Така што ми беше многу тешко. Сепак, ја разбирам мајка ми, таа беше принудена на ова, не можеше да ме издржува и беше многу тешко, многу страдаше во тој период. Но, нема оправдување за татко кој го остава своето дете и не сака ни да биде во контакт со него. Сепак, му простив затоа што не сакам повеќе да си ја трујам душата со такви работи.

Наскоро ја посвоила помлада брачна двојка која немала свои деца. И покрај се, Весна имала среќно детство и останала во контакт со својата биолошка мајка. Основно и средно училиште завршила во родниот град, а истовремено играла и во танцовата школа „Џогани фантастико“ во сопственост на Ѓоле Џогани и неговата сопруга Слаѓа Делибашиќ.

-Мама многу страдаше тој период, затоа бараше некој да се грижи за мене на секој можен начин. Таа ги запозна нашите сегашни кумови, тоа се луѓето што работеа со неа во фабриката. Им беше жал дека многу плачеше, немаа деца, па ме извадија од Звечанска и оттогаш со нив живеев со нив до седум години, додека мајка ми не си ја среди станбената ситуација, па потоа се преселив кај неа, но секогаш бев во врска мајка и кумови - рекла пејачката, а низ солзи се присетила дека следен уште еден тежок период:

-Тој период не беше лесен бидејќи мама работеше две работи, за да може како самохрана мајка да не издржува. Се преселив од топол дом во мала куќа каде што немавме греење. Морав да палам оган и да донесам дрва. Кога се враќав од училиште не ме чекаше топол оброк, бидејќи мајка ми работеше без престан, па носеше храна од некои жени каде што работеше и чистеше по куќи. Многу пати бев гладна, но не очајував бидејќи двете бевме заедно. Се сеќавам, отидовме да собираме дрва низ населбата, оти немавме за огрев. Секојдневно имав тешки испити и морав брзо да созревам. Се случуваше другарите од класот да одат на часови за рекреација, а јас да немам пари за тоа. Сите мораа да соберат пари за да одам и јас. Беше многу тешко бидејќи во мојот клас имаше деца кои живееја на Дедиње, одеа на часови по тенис и пијано, а јас немав телевизор во куќата до 12 години.

- Кога ги заработив првите пари, отидов и купив пет парфеми, од среќа, од радост што ги имам дури тие пари и што можам да ги купам. Не едно, туку како вистински „сељак“, пет парчиња - рече Весна.

Љубов со Џоле

Весна и Џоле Џогани важат за еден од најскладните парови и покрај скандалот кога се појавија информации за неговото наводно неверство. Својата љубовна приказна ја започнаа пред две децении, а денес се сакаат исто како и првиот ден. Откако откриле дека случајно се запознале, Весна откри уште неколку детали од нивниот живот.

Кога го започнала заедничкиот живот со Џоле, била и „прељубничка“,  „крадачка на мажи“ и на столбот на срамот. Таа беше свесна за сето тоа, но тоа не влијаеше на неа.

- Никогаш не ме допре. Од првиот момент го решив во мојата глава. Прво започнавме деловна соработка. Сфатив дека не можам да ја променам јавноста, освен да влијаам на неа со своите постапки. Не сакам да ја трошам мојата енергија и сила за да ги задоволувам сите. Уверена сум во нашата заедница, кога почна да е емотивна и да добива друга димензија, сфатив дека никој ништо не ми може ако со него имам искрен однос во четири ѕида. Сега сум зрела, ми требаат 5 минути да расчистам со себе, но свесна сум дека тоа секогаш ќе ме следи. Заедно сме 20 години, не две минути, но некои луѓе не разбираат - рече Весна, која и денес е критикувана некаде во коментарите.

Парот ги имаат синот Адријан и ќерката Лаура, додека Џоле има две ќерки од бракот со пејачката Слаѓа Делибашиќ: Силвија и Маринела.

И покрај тоа што ја нарекуваа уништувач на бракови, таа и поранешната сопруга на Џоле, Слаѓа се во одлични односи, а еднаш снимија и дует.

Бев во депресија поради спонтан абортус

Пејачката откри дека го изгубила своето бебе пред 10 години, поради што паузирала од работата во училиште за танц и неколку години од настапите.

- Во 2011 година имав спонтан абортус и тоа многу ме погоди, една година бев во тешка депресија. Тогаш престанав да ја водам школата за танц и сфатив дека не можам повеќе, па целосно му се посветив на мојот син во тој период.