Тажна вест пристигна од ЗОО Скопје: Почина жирафата Каспер
Тажна вест пристигна од Зоолошката градина во Скопје. Еден од омилените ликови на вработените и посетителите, жирафата Каспер утрово починала.
Се‘ уште не е позната причината за смртта на жирафата, но како што објавија од ЗОО Скопје, откако ќе ги добијат резултатите од обдукцијата ќе ги објават во јавноста.
„Со голема тага, неверување и скршени срца, ве известуваме дека нашиот Каспер утрово ненадејно не‘ напушти.
Жирафата Каспер имаше 12 години, а во Скопје ЗОО беше жител од 2012 година.
Скршени се срцата на сите вработени, бидејќи Каспер беше наш омилен.
Јавно ќе биде соопштено што е причината за смртта, откако ќе ги добиеме официјалните резултати од обдукцијата која беше извршена утрово од страна на Ветеринарниот факултет.
Никогаш заборавен и непреболен, наш Каспер, трчај на небесната савана“.
Фото: ЗОО Скопје
