Уапсена мајката од пеколот: 16-месечното бебе го оставила само дома и заминала на одмор
Мајка од Охајо е уапсена и обвинета за убиство откако ја оставила својата ќерка сама дома и заминала на одмор...
Кристел Канделарио од Кливленд, Охајо е обвинета за убиство, откако ја оставила својата 16-месечна ќерка сама во станот за да оди на одмор.
Полицијата во своето соопштение наведува дека 31-годишната Кристел Канделарио од 8 до 16 јуни била на одмор во Порторико и Детроит.
Кога се вратила дома минатиот петок, забележала дека нејзината ќерка не дава знаци на живот. Инспекторите изјавиле дека девојчето било екстремно дехидрирано.
Дали мајката се надевала дека ќе го најде детето живо?
Соседите за медиумите изјавиле дека ќе биле подготвени да го чуваат детето доколку некој го побарал тоа. Една од нив рече дека Кристел не е добра мајка и дека за девојчето најчесто се грижела нејзината баба.
- Мајката на бебето само сакаше да излегува, а ќерката најчесто ја оставала кај баба и - рекол тој.
Лекарите објавија дека девојчето починало на 16 јуни, но не сакаа да ја откријат причината за смртта.
Се уште не е познато каде е таткото на несреќното дете. Исто така, не е јасно дали мајката очекувала ќерката да се грижи сама за нејзините потреби.
Полицијата соопшти дека мајката моментално е во притвор и дека нејзината кауција е одредена од 1 милион долари на сослушувањето во вторникот. Следното рочиште е закажано за крајот на јуни.
Фото:youtube/screenshot/NBCnews
