УНИЦЕФ: Македонија меѓу првите три земји во светот со најголем пад на стапката на мртвородени деца

Во најновиот извештај на Уницеф, земјава покажа најдобри резултати во Европа, Северна Америка, Австралија и Нов Зеланд со падот на стапката на мртвородени деца. И е рангирана во првите три земји во светот со најголем пад на стапката на мртвородени деца.  

Првиот човек на здравството во земјава, Венко Филипче на својот фејсбук профил истакна дека ова е голем успех за меѓусекторската соработка на Министерството за здравство, Клиника за гинекологија и акушерство, УНИЦЕФ, УНФПА и Светската здравствена организација во изминатите три години.

Според него, за овој голем успех значителчен придонес имал и Комитетот за безбедно мајчинство во земјава, кое е под раководство на д-р Ана Данева-Маркова, како и директорката на Клиниката д-р Викторија Јовановска заедно со целиот тим од установата. 

Министерот потенцираше дека сите вработени го даваат својот максимум во грижата и третманот за нашите најмали.

Фото: Фејсбук