Вакви успешни деца ја прават Македонија горда: Тамара Грујеска освои трето место на престижниот Сан Ремо

Добивај вести на Viber

Младата и талентирана Тамара Грујеска освои трето место на престижниот фестивал Сан Ремо Јуниот во Италија. Тамара беше помеѓу 25 –те финалисти од цел свет, од пријавени над 1000 кандидати.

Младата гостиварка го имаше својот прв настап на 16-то издание на Сан Ремо Јуниор, и како сите кандидати кои настапија и Тамара беше придружувана од оркестарот на Сан Ремо составен од 32 музичари.

Тамара ја претставуваше Макеоднија на Детскиот Евросон во Ница, Франција.

Младата Тамара пред настапот на Сан Ремо за МИА истакна дека возбудена што повторно ќе има можност да настапи на голема светска сцена, а настапот на Сан Ремо им го посвети на настраданите и нивните семејства во немилиот настан во Кочани.

За успехот на Тамара, пристигна и од Андријана Јаневска.

„Трето место на Сан Ремо Јуниот за нашата Тамара Грујеска! Имаше над илјада пријавени кандидати, а Тамара се пласираше во големото финале каде после изведбата во живо со оркестар, во конкуренција од 25 финалисти го освои високото трето место. Честитки за извонредниот успех, Македонија се гордее со тебе!“, напиша Јаневска.

Тамара беше претставничка на Македонија на овој престижен фестивал за деца и млади, во конкуренција на учесници од Казахстан, Белорусија, Франција, Јужна Африка, Црна Гора, Молдавија, Индонезија, Бугарија, Австралија, Италија, Украина, Бразил, Германија, Аргентина, Азербејџан, Финска, Узбекистан, Индија, Австрија, Романија, Русија, Тајланд, Ерменија и Малезија.

Во досегашната кариера Тамара Грујеска е добитничка повеќе Гранд при награди на фестивали во Русија, Србија, Грција. За овој настап, Тамара се подготвуваше со нашата поп пејачка и музички педагог, Андријана Јаневска.