Приказната за „Кажи нешто драга“

Секој рефрен има своја приказна. Уметниците гордо раскажуваат за своите дела, особено ако успеале да создадат песна која го надживеала времето во кое е создадена

„КАЖИ НЕШТО ДРАГА“ (ДРАГАН МИЈАЛКОВСКИ)

Напишана е во 1976 година. Авторот Ванчо Димитров во една прилика откри дека мелодијата ја работел два-три месеци, а потоа го замолил Ѓоко Георгиев да му напише текст.

- Му напоменав дека желба ми е песната да ја пее Драган Мијалковски, кој во тоа време беше најголемата македонска ѕвезда во Југославија. Му ја пеев десетина пати, Ѓоко слушаше внимателно и одеднаш му излета сега веќе познатиот хит: „Кажи нешто драга, па макар и лага“.. Другите стихови за песната беа релативно готови – откри композиторот.

Мијалковски ја отпеал истата година на Скопскиот фестивал и победил убедливо според гласовите од публиката.