Вработените бегаат од Меган Маркл како ѓавол од крст: „Таа е диктатор на штикли“

Претерување или не, факт е дека ретко кој останува долго вработен кај војводката од Сасекс

Во 2018 година, Бакингемската палата го истражуваше однесувањето на тогашната нова војвотка кон двајца асистенти кои се пожалија на мобинг.

Принцот Хари, војводата од Сасекс, го прослави својот 40-ти роденден. Иако е во исклучително лоши односи со другите членови на британското кралско семејство, кралот Чарлс и кралицата Камила му честитаа роденден на социјалните мрежи.

Сепак, дури и роденденската прослава не може да биде без непријатности. Најголема сенка на прославата фрлија медиумските написи за проблемите на претприемачкиот пар со наоѓање соработници и вработени. Тие имаат репутација како најлоши работодавци од познати личности. Вината за тие проблеми и се припишува на неговата сопруга Меган Маркл.

Најсвеж пример е текстот објавен во „Холивуд репортер“ во кој соговорниците ја опишуваат Меган како „диктатор во потпетици кој расплакува возрасни мажи“.

„Сите се преплашени од Меган. Таа ги спушта луѓето, не прифаќа ничии совети. Двајцата се лоши во донесувањето одлуки, многу се предомислуваат. Хари е многу, многу шармантна личност, нималку вообразен, но тој ѝ дозволува да се однесува така А таа е едноставно ужасна“, вели неименуван извор близок до парот во текстот кој главно се занимава со тоа дека вработените во Сасекс се менуваат „како на лента“.

„Таа е апсолутно немилосрдна“, вели друг инсајдер.

„Таа маршира наоколу како диктатор во високи потпетици, фрлајќи бес и “фрлајки“ наредби. Ја гледав како ги расплакува возрасните мажи“.

Претерување или не, факт е дека ретко кој останува долго вработен во Сасекс, а приказната не е нова. Во 2018 година, Бакингемската палата го истражуваше однесувањето на тогашната нова војвотка кон двајца асистенти кои се пожалија на мобинг. Резултатите од истрагата никогаш не беа објавени, а таа тврдеше дека тврдењата се дел од „пресметана кампања за оцрнување“ против неа.

Кога станува збор за нивниот бизнис, според Холивуд Репортер, Џош Кетлер, истакнат деловен консултант од Санта Барбара, е последниот од нивните вработени кој ја откажал соработката. Работел само три месеци како шеф на кабинет.

Откако ја објавија болеста на Кејт Мидлтон, Хари и Меган ја налутија јавноста со постапката

Немилосрдното прикажување на војвотката е во целосна спротивност со сликата за себе која Маркл се обидува да ја наслика, онаа на нежна, емпатична личност со широка насмевка на лицето, некој што ги разбира животните борби. Во последниве години, таа стана жесток обожавател на бестселерот од Тексас за самопомош, Брена Браун, која ги охрабрува читателите да „негуваат благодарност и радост во нивните животи“.